Генпракуратура выдаліла са справаздачы словы Шведа, што ўсіх ужо выявілі і пакаралі
На сайце Генеральнай пракуратуры з'явілася справаздача пра сённяшнюю сустрэчу генеральнага пракурора Андрэя Шведа са студэнтамі і выкладчыкамі БДУІР. Але без тых слоў, якія раней найбольш прыцягнулі ўвагу.
«Андрэй Швед падкрэсліў, што на сёння ўсе, хто мае дачыненне да экстрэмісцкай і тэрарыстычнай дзейнасці, альбо ўжо асуджаныя, альбо з'яўляюцца фігурантамі крымінальных спраў, якія будуць разгледжаныя судамі», — цытуецца выступ Шведа ў тэлеграм-канале Генеральнай пракуратуры.
Калі чытаць ягоныя словы літаральна, то атрымліваецца, што па стане на 15 студзеня 2025 года ўлады ўжо завялі палітычныя крымінальныя справы на ўсіх, каго палічылі патрэбным пераследаваць.
Але, як выглядае, літаральнае чытанне гэтага выказвання якраз памылковае. Прынамсі, сама пракуратура відавочна не хоча, каб на ім акцэнтавалі ўвагу, таму ў выніковую справаздачу згадку пра яго проста не ўключыла.
«Усе экстрэмісты ці ўжо асуджаныя, ці з'яўляюцца фігурантамі спраў, якія будуць разгледжаны судамі». Швед падводзіць рысу пад рэпрэсіямі?
Генпракурор Швед анансаваў новыя гучныя крымінальныя справы па карупцыі
«Павінна стаяць калі і не ў першых, дык у шэрагах». Мукавозчык заклікаў творчую інтэлігенцыю публічна падтрымліваць рэпрэсіі
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары
Адсправаздачыўся, карацей, што ўсё зрабіў (на той момант). Малайца. "Запись дел".