Мінчук заплаціць 53 тысячы рублёў штрафу за даход, які ён лічыў законным
Мужчына даваў мікразаймы.
Эканамічны суд Мінска вынес рашэнне па справе грамадзяніна, які на працягу двух гадоў сістэматычна даваў пазыкі фізічным асобам без рэгістрацыі прадпрымальніцкай дзейнасці. За гэта яму прызначылі штраф, канфіскацыю часткі даходу і падатак на астатнюю суму.
Са студзеня 2023 года па снежань 2024 года мужчына даваў пазыкі на платнай аснове, не маючы статусу суб’екта гаспадарання. За гэты перыяд ён зарабіў каля 180 000 рублёў.
Эканамічны суд прызнаў яго вінаватым у парушэнні часткі 2 артыкула 13.3 Кодэкса аб адміністрацыйных правапарушэннях (КААП). У выніку парушальніку прызначылі:
- штраф 20 базавых велічынь (840 рублёў);
- канфіскацыю 5% незаконна атрыманага даходу (8890 рублёў);
- падаходны падатак на астатнія 95% даходу па стаўцы 26% (43 918 рублёў).
Агульная сума, якую давядзецца заплаціць парушальніку, склала 53 649 рублёў.
Мужчына казаў, што падаваў дэкларацыі аб даходах і выплачваў падаходны падатак. Аднак суд устанавіў, што даходы былі атрыманыя ад дзейнасці, якая патрабуе абавязковай рэгістрацыі і ліцэнзавання. Таму падатковыя выплаты не вызвалілі яго ад адказнасці за парушэнне заканадаўства.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве39
Каментары