Літва перадасць Украіне тры аўтамабілі, канфіскаваныя ў беларусаў за кантрабанду цыгарэт
Супрацоўнікі Мытнай службы Літвы на мінулым тыдні канфіскавалі ў грамадзян Беларусі тры аўтамабілі, у якіх перавозілі кантрабандныя цыгарэты, паведамляе прэс-служба ведамства.
Мытная служба Літвы адзначыла, што інцыдэнт адбыўся ў пункце пропуску «Меднікі» (з беларускага боку — «Каменны Лог»).
Усяго беларусы спрабавалі ўвезці ў Літву больш за 3 тысячы пачкаў цыгарэт. Іх выявілі пры дапамозе рэнтгенаўскай праверкі ў розных месцах: у схованках пад сядзеннямі, пад парогамі аўтамабіля, пад пярэдняй панэллю прыбораў і інш.
Кошт кантрабандных цыгарэт ацанілі ў 13 573 еўра. На грамадзян Беларусі склалі пратаколы аб адміністрацыйных правапарушэннях, ім пагражае штраф ад 2 да 6 тысяч еўра.
У прэс-рэлізе гаворыцца пра канфіскацыю аўтамабіляў BMW X5, BMW X6 і Mercedes-Benz.
«Такія аўтамабілі перадаюцца для патрэб Украіны», — падкрэслівае ведамства.
У 2024 годзе, паводле звестак мытнай службы, Літва перадала Украіне ў якасці гуманітарнай дапамогі 114 канфіскаваных аўтамабіляў.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары