Меркаванні1212

Трамп можа прывесці Пуціна да краху нават без вайны. Трэба толькі не даваць палёгкаў па нафце

Прафесары Ельскага ўніверсітэта (ЗША) Джэфры Зонэнфельд і Стывен Ціян, якія маюць таксама досвед працы ў дзяржаўных установах, выдалі ў часопісе Time артыкул, у якім сцвярджаюць, што новы прэзідэнт ЗША Дональд Трамп пры ўмове паслядоўнай палітыкі можа хутка перамагчы Расію, паставіўшы яе на калені эканамічна. Маўляў, расійскай эканоміцы не так ужо і шмат засталося.

Фота: AP Photo/Dmitri Lovetsky

Паводле аўтараў артыкула, якія нядаўна правялі аналіз расійскай эканомікі, Трамп мае рычагі, каб прымусіць Уладзіміра Пуціна спыніць вайну Расіі супраць Украіны як мага хутчэй, калі ён будзе дзейнічаць рашуча і паслядоўна.

Навукоўцы цытуюць выказванне Трампа, зробленае ім у першы дзень ягонага кіравання:

«Я думаю, Зяленскі хоча міру, але не ведаю, ці хоча міру Пуцін, — сказаў Трамп. — Я думаю, Расія сутыкнецца з сур’ёзнымі праблемамі… Я думаю, Пуцін разбурае Расію».

Сапраўды, на думку прафесараў Зонэнфельда і Ціяна:

«Эканоміка Расіі, якая рухае вайну, спустошаная, а Пуцін змяншае рэінвестыцыі ў прамысловую базу краіны і захоплівае кантроль над многімі прыватнымі прадпрыемствамі, ператвараючы былую магутную прамысловасць у руіны. Карацей кажучы, Пуцін кідае ў агонь сваёй вайны апошнія рэшткі ўласнай эканомікі».

Пры гэтым вяртанне Трампа нібыта можа паскорыць эканамічны крах Расіі і прывесці да падзення рэжыму Пуціна, хоць гэта здавалася неверагодным яшчэ некалькі тыдняў таму. Тым больш што Трамп часта гаварыў пра намер хутка скончыць вайну, прымусіўшы Украіну прыняць мірную здзелку, роўную капітуляцыі. Але цяпер,

«як Трамп раней паказваў сваю здольнасць адаптавацца ў бізнэсе, ён, здаецца, перагледзеў свае адносіны да Пуціна, даведаўшыся, наколькі слабая насамрэч расійская эканоміка».

А ёй нібыта сапраўды засталося няшмат:

«Калі Пуцін страціць прыбытак ад экспарту нафты, які падтрымліваў яго апошнія тры гады, ягоны рэжым амаль дакладна абваліцца. Ён ужо выкарыстаў рэзервы «на чорны дзень» і выбраў валютныя запасы краіны. Ніхто не хоча купляць расійскія аблігацыі, каб фінансаваць дэфіцыт бюджэту. Рубель слабее, Цэнтральны банк Расіі губляе магчымасці ўплыву, а Пуцін не можа зменшыць выдаткі, не спыніўшы дарагую вайну».

Ключавое тут нафтавае пытанне, і Трамп нібыта гэта добра разумее:

«Са сваімі абяцаннямі знізіць цэны на нафту і павялічыць вытворчасць нафты ў ЗША на 3 мільёны барэляў у дзень Трамп можа зрабіць так, што сусвету больш не спатрэбіцца расійская нафта, а Пуцін пачне прайграваць нават пры цяперашніх цэнах».

А гэта таму, што:

«Згодна з Saudi Aramco, сабекошт здабычы расійскай нафты складае каля $44 за барэль — гэта самы высокі паказчык сярод асноўных вытворцаў нафты і ўдвая большы, чым у Саудаўскай Аравіі, ААЭ і іншых.

Такім чынам, пры сабекошце $44 за барэль і дадатковых выдатках на транспартаванне ў $20-$30 за барэль Пуцін пачне губляць грошы, калі кошт нафты ўпадзе.

Калі Трамп увядзе новыя санкцыі супраць расійскіх нафтавых кампаній, як прапануе прызначаны міністр фінансаў Скот Бесент, Пуцін будзе прасіць пра палёгку, бо ягоная эканоміка разваліцца.

Гісторыя паказвае, што такі падыход эканамічнага ціску на Расію ўжо спрацоўваў. Халодная вайна скончылася праз нечаканы эканамічны крах Савецкага Саюза. Цяпер у Трампа ёсць шанец прымусіць Пуціна капітуляваць».

Каментары12

  • )))
    21.01.2025
    Так он и в инаугурационной речи и сказал, что заполнит хранилища нефтью. Разумеется недорогой.))))))))
  • политзек
    21.01.2025
    самое огромное заблуждение сытых идиотов.
    эти розовые пони забыли, что уже в 1944-м, а в 45 и подавно, экономика Германии была в полных руинах. но это НИКАК не остановило бесноватого идиота..
    равно как и его вояк, продолжавших убивать и убивать. даже после капитуляции.
    они меряют все по себе.. для них финансовый крах - это чистый "гейм овер"..
    но это НЕ ТАК!!!
  • Iksperd
    21.01.2025
    Штучна апускаць кошт на нафту ва ўсім свеце, каб толькі апусціць піцерскага гопніка, - гэта стральба па вераб'ях з гарматы. Ніхто такім займацца дзеля гэтай мэты не будзе. Але ж можа будуць іншыя прычыны для падзення коштаў. Сярод іх - падзенне попыту на нафту з боку Кітая.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць