Па ўсёй краіне круцяць фільм пра Аляксея Талая. Квіткі прадаюць за 1 рубель, але ці ёсць гледачы?
Учора «Беларусьфільм» ладзіў па ўсёй краіне прэм'ерныя паказы фільма «Птушка Фенікс Аляксея Талая». Прапаганда выхвалялася поўнымі кіназаламі. Але ці шмат ахвотных паглядзець стужку сёння?
Здымалі стужку па замове Міністэрства культуры. Ад пачатку здымкаў да першага паказу прайшло каля 5 месяцаў. Для прэм’еры дату выбралі не выпадкова — 22 студзеня быў дзень нараджэння Аляксея Талая. Хронаметраж фільма склаў 26 хвілін.
Рэжысёр Уладзімір Луцкі заявіў: «Я доўга шукаў код, які б дапамог мне падысці да фільма. Аднойчы я выпадкова ўбачыў фразу, якая, як мне падалося, вельмі дакладна адлюстроўвае тое, пра што я хачу здымаць. Яна гучала прыкладна так: у Бога быў план, каб гісторыя майго жыцця стала надзеяй для іншых».
Адзін з гледачоў падзяліўся, як ён назваў, «залатой цытатай з фільма»: «Рукі, ногі… Галоўнае — хвост!»
На відэа агенцтва «Мінск-Навіны» можна пабачыць, што ў зале на прэм’еры шэрагамі сядзяць дзеці ў аднолькавай форме і вайскоўцы.
У сталіцы фільм будзе ў пракаце тыдзень (да 29 студзеня). Для паказу абраны два кінатэатры — «Беларусь» і «Бярэсце». Кошт квіткоў смешны — 1 рубель.
Але нават танныя квіткі не выклікаюць ажыятажу. У «Беларусі» прадалі на сёння 14 квіткоў, у «Бярэсці» — нуль. У абласных гарадах сітуацыя аналагічная. У Брэсце паглядзець фільм пра Талая можна ўсяго за 70 капеек, але на сённяшні паказ пакуль не атрымалася прадаць ніводнага квітка ў маленькую залу на 25 месцаў. На выходныя пакуль таксама продажы нулявыя.
Пры гэтым, яшчэ ўчора мясцовыя СМІ з захапленнем пісалі пра прэм’еру: «Вялікая зала кінатэатра «Беларусь» была поўная гледачоў, якія жадалі ўбачыць гэтую натхняльную гісторыю».
У Гродне, здаецца, ужо пайшла разнарадка выкупаць квіткі. Бо пакуль у кінатэатры «Чырвоная зорка» прададзена нуль квіткоў, у кінатэатры «Усход» нехта выкупіў паўтара шэрагу.
Нагадаем: беларускага паралімпійца Аляксея Талая Украіна абвінавачвае ў незаконным перамяшчэнні ўкраінскіх дзяцей з часова акупаванай тэрыторыі. Талай зняўся таксама ў расійскім фільме пра вайну.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы7
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары