На 4 лютага ў Гомельскім абласным судзе запланаваны пачатак судовага пасяджэння для разгляду крымінальнай справы супраць Аляксандра Яворскага. Яго вінавацяць паводле двух артыкулаў Крымінальнага кодэкса — ч. 1 артыкула 130 (распальванне расавай, нацыянальнай, рэлігійнай альбо іншай сацыяльнай варажнечы) і ч. 1 арт. 368 (абраза Лукашэнкі), піша «Гомельская вясна».
Пра Аляксандра Яворскага вядома, што ён з Петрыкава, дзе займаўся прадпрымальніцкай дзейнасцю ў сферы гандлю харчовымі прадуктамі, напоямі і тытунём, валодаў крамай «Салеман».
У кастрычніку 2020 года ён далучыўся да агульнанацыянальнага страйку, абвешчанага Святланай Ціханоўскай, і нават запісаў з гэтай нагоды відэазварот. Адна з дзяржаўных прапагандысцкіх газетаў тады яшчэ са здзекам цытавала ягоныя словы з таго відэа: «Не маю намеру сілкаваць падаткамі і адлічэннямі рэжым».
Судзіць петрыкаўскага прадпрымальніка будзе судзя Яўген Ерафееў, зусім нядаўна прызначаны на пасаду суддзі абласнога суда. Раней ён быў суддзёй раённага суда ў Жлобіне. Суд будзе праходзіць у закрытым рэжыме.
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака11
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары