У Белым доме пачалі абмяркоўваць закрыццё USAID як незалежнага агенцтва
Дапамога, якую ЗША аказваюць па ўсім свеце, верагодна, чакае не проста замарозка — механізм яе вылучэння можа быць сур'ёзна рэфармаваны.
Агенцтва ЗША па міжнародным развіцці (USAID), якое размяркоўвае гэтую падтрымку, можа страціць сваю незалежнасць і апынуцца пад кантролем Дзярждэпартамента, паведамілі Reuters і Politico са спасылкай на крыніцы.
Гэта будзе азначаць больш сур'ёзныя праблемы для некамерцыйных арганізацый, якія атрымлівалі фінансаванне агенцтва напрамую або праз іншыя фонды.
Рада нацыянальнай бяспекі ЗША ўжо правяла абмеркаванне аб перадачы USAID пад кантроль Дзярждэпартамента, распавяла адна з крыніц Reuters. Другі суразмоўца пацвердзіў, што абмеркаванне вядзецца, але адзначыў, што пастанова яшчэ не прынятая.
Па словах аднаго з суразмоўцаў выдання, у Дональда Трампа ёсць паўнамоцтвы пазбавіць USAID незалежнасці, і ён можа падпісаць адпаведны ўказ ужо ў суботу. Reuters адзначае, што шыльды з лагатыпам USAID ужо знялі з будынка, дзе размяшчаецца офіс арганізацыі.
У той жа час Politico адзначае, што перадача агенцтва пад кіраванне Дзярждэпартамента амаль напэўна запатрабуе адабрэння Кангрэса. Але нават калі фармальна арганізацыя захаваецца, яна стане слабейшай і не зможа вызначаць уласны парадак дня, піша выданне.
▪Прадстаўнік USAID адмаўляў у гутарцы з Politico інфармацыю аб патэнцыйным уключэнні ў склад Дзярждэпартамента, назваўшы паведамленні пра гэта спекуляцыямі.
Пазбаўленне USAID незалежнасці і перадача агенцтва пад кантроль Дзярждэпартамента істотна зменіць тое, як ЗША размяркоўваюць сваю замежную дапамогу, адзначае Reuters.
Пасля ўступлення на пасаду Трамп прыпыніў амаль усю міжнародную дапамогу ЗША на 90 дзён з мэтай правесці яе аўдыт на адпаведнасць знешняй палітыцы новай адміністрацыі. Выключэнні былі зробленыя для гуманітарных праграм, «якія ратуюць жыцці». Пасля гэтага некаторыя фінансаваныя ЗША праграмы сталі закрывацца, нагадвае «Агенцтва».
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары
Вячорко обмолвился случайно где-то в интервью про список 2000 !! проектов!