Усе клубы футбольнай вышэйшай лігі атрымалі ліцэнзіі на ўдзел у сезоне-2025
27 студзеня і 5 лютага адбыліся пасяджэнні Камітэта па клубным ліцэнзаванні Асацыяцыі «Беларуская федэрацыя футбола», на якіх былі разгледжаны заяўкі футбольных клубаў на атрыманне ліцэнзій БФФ для ўдзелу ў вышэйшай лізе.
Па выніках двух пасяджэнняў станоўчыя рашэнні былі прынятыя ў дачыненні да ўсіх 16 клубаў, якія падалі заяўкі на ўдзел у вышэйшай лізе сезона 2025 года, паведамляе Беларуская федэрацыя футбола.
Такім чынам у вышэйшай лізе ў сезоне 2025 года павінны згуляць: мінскае «Дынама», гродзенскі «Нёман», жодзінскае «Тарпеда-БелАЗ», «Гомель», брэсцкае «Дынама», «Мінск», «Іслач», мазырская «Славія», «Віцебск», «Нафтан», БАТЭ, «Смаргонь», «Слуцк», «Маладзечна», «МК Віцебск», «Арсенал» Дзяржынск.
Чэмпіянат павінен пачацца 13 сакавіка. Будуць згуляныя 30 тураў.
Цяпер чытаюць
Сын Сяргея Бульбы збірае грошы ў Польшчы, прыдумаўшы сабе біяграфію ветэрана і палітычнага ўцекача14
Каментары