Галоўчанка паабяцаў, што праз 15 гадоў працягласць жыцця беларусаў будзе складаць 80 гадоў
То-бок яна павінна вырасці на шэсць гадоў.
Прэм'ер-міністр Раман Галоўчанка сказаў, што да 2040 года працягласць жыцця ў Беларусі вырасце да 80,5 года, піша БелТА.
Так, прэм'ер патлумачыў, што Нацыянальная стратэгія ўстойлівага развіцця Беларусі на перыяд да 2040 года, сярод іншага, уключае напрамкі, якія патрабуюць асаблівай увагі і знаходзяцца ў парадку дня. Тут ён назваў пытанні дэмаграфіі, экалогіі і балансу рэсурсаў.
Што да колькасных паказчыкаў стратэгіі, то ён назваў лічбы, запланаваныя на 2040 год, падкрэсліўшы іх амбіцыйнасць.
— Рост валавога ўнутранага прадукту, інвестыцый і экспарту амаль у два разы, доля лічбавай эканомікі — у тры разы, доля высокатэхналагічных вытворчасцей — да 50%, — пералічыў ён.
А яшчэ прэм’ер паведаміў, якой будзе працягласць жыцця беларусаў праз 15 гадоў.
— Працягласць жыцця — да 80,5 года, — упэўнены прэм’ер.
Як паведамляў Белстат, у 2023 годзе працягласць жыцця ў Беларусі складала 74,6 года
Пры гэтым мужчыны ў сярэднім жывуць 69,3 года (амаль на шэсць гадоў даўжэй, чым у 2000-м), а жанчыны — 79,7 года (роўна на пяць гадоў даўжэй, чым 24 гады таму).
-
Камандуючы ВПС: Колькасць замежных войскаў ля межаў Беларусі зменшылася, з краінамі НАТА ідзе ўзаемадзеянне
-
Беларуса ў жаданні абмежаваць паўсюдную рэкламу казіно падтрымала Мінгандлю. Але прапагандысты параілі яму «не лезці не туды»
-
У гарах Кыргызстана з дрона адшукалі целы зніклых беларускіх альпіністаў
У гарах Кыргызстана з дрона адшукалі целы зніклых беларускіх альпіністаў8
Каментары
І гэта толькі сярэдні ўзрост.