Пяць беларускіх бізнэсаў атрымалі ад асацыяцыі ABBA па 5 тысяч еўра. Вось каму дасталіся грошы
8 лютага Асацыяцыя беларускага бізнесу за мяжой ABBA назвала лаўрэатаў IV прэміі «Бізнес вольнай Беларусі». Пераможцы ў пяці намінацыях Free Belarus Business Awards атрымалі па 5 тысяч еўра. Цырымонія ўзнагароджання прайшла ў Варшаве, піша «Белсат».
Цырымонія ўзнагароджання прэміяй IV Free Belarus Business Award, Варшава, 9 лютага 2025 года. Фота: «Белсат»
Віцэ-прэзідэнтка ABBA Марына Гірын назвала пераможцаў чацвёртага конкурсу Free Belarus Business Awards у пяці намінацыях. Кожны з лаўрэатаў атрымаў у якасці прызу 5 тысяч еўра.
- Некамерцыйная арганізацыя года — Беларускі моладзевы хаб (Варшава).
- Сацыяльнае прадпрыемства года — Еўрапейскі інстытут сучаснай псіхатэрапіі (EIMP) у Вільні.
- Інавацыйны бізнес года — фірма «Althouse» з Варшавы (вытворчасць будаўнічых матэрыялаў).
- Брэнд года — кавярня «Кава і людзі» («Kawa i Ludzie») ў Сопаце.
- Найлепшы бізнес года — праект беларускага адзення «Жнівень» («Znivien»).
Па словах арганізатараў, у чацвёртым конкурсе «Free Belarus Business Awards» бралі ўдзел 50 беларускіх бізнесаў у выгнанні.
Пераможцаў выбірала міжнароднае журы, паведамляюць арганізатары.
Цяпер чытаюць
Актывістка Наста Базар папрасіла ў сяброў грошы на жыццё. Меркаванні радыкальна падзяліліся47
Каментары
Так вось, гэта людзі якія прымусова адабралі даброты ў трэціх асобаў і аддалі пестунам-ўлюблёнцам
Савецкі конкурс на лепшага прадпрымальніка з прадпрымальніцтвам, дзе шукаецца як дагадзіць пакупніку (спажыўцу) ня тое, што нічога агульнага ня мае, ён антаганістычны, бо канкурсанты шукаюць, як дагадзіць прымусоваму пераразьмеркавальніку, цэнтраплянавіку, чыноўніку