Спорт

Экс-футбаліст зборнай Беларусі пасля комы зноў трапіў у рэанімацыю. На полі яго чакаць не варта

Трэнер Сяргей Яромка нядаўна распавёў пра тое, што ў экс-гульца зборнай Беларусі Антона Сарокі зноў узніклі праблемы са здароўем, якія прывялі ў рэанімацыю. Па словах трэнера, 32-гадовы Сарока, які ў свой час выступаў за мінскае «Дынама» і БАТЭ, развітаўся з надзеяй вярнуцца ў футбол як гулец, піша «Трыбуна».

Пра тое, што ў Сарокі сурʼёзныя медычныя праблемы, паведамлялася ў пачатку траўня 2024 года. Тады экс-форвард трапіў у рэанімацыю праз панкрэатыт і з уласнай згоды быў уведзены ў медыкаментозную кому — так было прасцей выдаляць вадкасць, што запоўніла лёгкія. Праз пару тыдняў спартсмена выпісалі.

У жніўні 2024-га крыніцы распавядалі, што ён узяўся за здароўе, трымаўся дыеты і прыводзіў сябе ў форму — хадзіў у басейн і сілоўню. Нават спадзяваўся вярнуцца ў вялікі футбол — на сувязь з ім выходзілі прадстаўнікі некалькіх прафесійных каманд і аматары з «медыялігі». Але спорту замінала старая траўма калена. У выніку ўсё абмяжоўвалася самастойнымі заняткамі, а вольны час Сарока прысвячаў жонцы, сыну Яраславу і пляменніцы Міі.

І вось на мінулым тыдні Яромка распавёў, што Сарока зноў пабываў у рэанімацыі.

Па звестках «Трыбуны», чарговыя непрыемнасці з 32-гадовым Сарокам адбыліся ў пачатку восені-2024. Футбаліст толькі першы час пасля выпіскі быў прыхільнікам здаровага ладу жыцця, але ў нейкі момант ізноў пачаў ужываць алкаголь, і гэта ледзь не прывяло да сумных наступстваў.

Сарока трапіў у рэанімацыю ў цяжкім стане, дактары рэальна змагаліся за яго жыццё. На шчасце, экс-гульца зборнай змаглі выцягнуць з таго свету. У бальніцы Сарока правёў каля месяца.

Тым часам сябры і калегі сабралі, як распавёў Яромка, грошы на рэабілітацыю — атрымалася прыстойная сума, якую перадалі жонцы.

Пасля выпіскі Сарока пачуваўся нядрэнна, голас у слухаўцы быў бадзёрым і жыццярадасным, што ўсяляла надзею на лепшае. Аднак пасля чарговага заезду ў рэанімацыю экс-футбаліст аказаўся пад пастаянным наглядам дактароў. І зноў вярнуўся да здаровага ладу жыцця і правільнага харчавання. Калегі спадзяюцца, што Сарока зрабіў высновы і больш «не будзе падвяргаць свой арганізм неапраўданай рызыцы».

Яромка кажа, што вяртанне Сарокі ў вялікі спорт у якасці гульца ўжо немагчымае. Як удалося даведацца, той пасля выпіскі закінуў самастойныя трэнінгі і не падтрымлівае форму ні ў зале, ні ў басейне.

Сарока хоча застацца ў футболе і нават паступіў на нейкія трэнерскія курсы, але грунтоўна займацца там перашкаджаюць праблемы са здароўем.

У выніку сёння экс-форвард зборнай ізноў засяроджаны на сямʼі: нідзе не працуе і ўвесь свой час прысвячае сыну і жонцы. І, як кажуць нашы суразмоўцы, «нікуды асабліва не ходзіць, ні з кім не сустракаецца».

Каментары

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць