Трамп і Пуцін могуць дамовіцца пра спыненне агню да Вялікадня ці 9 мая
Выданне Financial Times паразмаўляла з заходнімі і ўкраінскімі чыноўнікамі пасля таго, як прэзідэнт ЗША Дональд Трамп рэзка перакрэсліў палітыку ізаляцыі Расіі і наважыўся пачаць абмяркоўваць свае мірныя ініцыятывы з кіраўніком Расіі Уладзімірам Пуціным. Сярод іншага частка суразмоўцаў газеты назвала і магчымыя тэрміны спынення агню.
Дамагчыся спынення агню Дональд Трамп і Уладзімір Пуцін, верагодна, паспрабуюць да адной з дзвюх значных дат: да Вялікадня, які праваслаўныя і каталікі сёлета адзначаюць у адзін дзень — 20 красавіка, ці да 9 траўня. У Крамлі, дарэчы, якраз адзначылі, што Пуцін «будзе рады вітаць Трампа на святкаванні 80-годдзя Перамогі» ў Маскве.
Выданне таксама паразмаўляла з былым высокапастаўленым расійскім чыноўнікам, які мяркуе, што «амерыканцы нарэшце сур'ёзна ставяцца да сітуацыі». З ягоных слоў, калі план маланкавай перамогі праваліўся, расійскае кіраўніцтва хутка ўсвядоміла «рэальнае становішча спраў» і сам Пуцін «пазбавіўся ад ілюзій праз тры дні пасля пачатку вайны».
Cітуацыя цяпер выглядае нашмат больш спрыяльнай для Пуціна, чым калі-небудзь за апошнія тры гады вайны, тлумачыць FT дырэктар Берлінскага цэнтра Карнегі па вывучэнні Расіі і Еўразіі Аляксандр Габуеў:
«Калі ЗША ў аднабаковым парадку спыняць сваю вайсковую і дыпламатычную падтрымку, а таксама абмен разведданымі, то Украіна апынецца ў вельмі цяжкім становішчы. І з гэтага становішча будзе цяжка выбрацца, нават калі еўрапейцы праявяць больш ўцягнутасці».
Самае галоўнае для Расіі — каб Украіна мела максімальна слабыя гарантыі бяспекі, дадае эксперт.
Прафесар Нацыянальна-даследчага ўніверсітэта Вышэйшай школы эканомікі Дзмітрый Трэнін заявіў, што Расія сур'ёзна ставіцца да неабходнасці «развязаць украінскае пытанне» і «не імкнецца да міру». Калі Трамп не пойдзе на ўсе ўмовы Пуціна, вайна працягнецца.
Любое шырокамаштабнае пагадненне запатрабуе значнага ўдзелу краін НАТА і самой Украіны, лічыць старшы навуковы супрацоўнік амерыканскай даследчай арганізацыі RAND Сэмюэл Шарап. І пакуль што рана казаць, да якіх саступак гатовы Трамп, — для гэтага яму спатрэбіцца атрымаць падтрымку Украіны і сваіх саюзнікаў, асабліва ў складаных і спрэчных пытаннях, гаворыць аналітык.
Украіна павінна паслаць Трампа за расійскім вайсковым караблём — крыніца The Times у Мінабароны Брытаніі
«Мне здаецца, што я ў большай рэальнасці знаходжуся». Зяленскі падзяліўся падрабязнасцямі сваёй учарашняй размовы з Трампам
Пасля размовы Трампа з Пуціным еўрапейскія палітыкі выступілі з агульнай заявай па Украіне
Трамп і яго каманда запэўніваюць, што не плануюць спыняць падтрымку Украіны
«Горш за Мюнхен». Рэакцыя еўрапейскіх палітыкаў на заявы Трампа аб перамовах з Пуціным
Трамп расказаў пра размову з Пуціным і назваў людзей, якія ўзначаляць перамовы з Расіяй
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары