Дарадца-пасланнік пасольства Расіі ў Беларусі Пётр Фралоў ацаніў аб'ём тавараабароту паміж краінамі.
«Цяпер кажуць пра тое, што ў нас дзесьці ў раёне $60 млрд. Думаю, мы столь гэту праб'ем, зноў выйдзем на чарговы рэкордны ўзровень. У нас вельмі добры дыялог у эканамічнай сферы ідзе на штогадовых форумах рэгіёнаў. Кожны раз там закладваецца тая аснова, якая знаходзіць свой працяг ужо ў практычным супрацоўніцтве паміж Беларуссю і расійскімі рэгіёнамі», — сказаў Пётр Фралоў у каментары СТБ.
У 2023-м аб'ём тавараабароту паміж Беларуссю і Расія склаў $53 млрд, у 2022-м — $50 млрд, у 2021-м — $40 млрд. Такія лічбы даюць беларускія чыноўнікі (расійскія агучваюць крыху меншыя).
Калі Белстат расказваў пра тавараабарот за першае паўгоддзе 2024-га, то адзначаў, што практычна 97% экспарту ў Расію — прадукцыя апрацоўчай прамысловасці.
«Мы павялічылі аб'ёмы экспарту харчовай прадукцыі — рост адзначаецца на 8,4%, таксама вырас экспарт вылічальнай, электроннай і аптычнай апаратуры на 13,1%, транспартных сродкаў і абсталявання на 5,3%», — прыводзіў лічбы Белстат.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары