Ватыкан паведаміў пра складаную клінічную сітуацыю са здароўем Папы Францішка
Пантыфік тыдзень таму захварэў на бранхіт і ў мінулую пятніцу быў шпіталізаваны ў рымскую бальніцу Gemelli.
Ватыкан удакладніў, што ў 88-гадовага пантыфіка полімікробная інфекцыя дыхальных шляхоў, якая запатрабавала змены яго лячэння для развязання «складанай клінічнай сітуацыі».
Папа Францішак застанецца ў бальніцы, пакуль гэта будзе неабходна, гаворыцца ў паведамленні Ватыкана.
Раней Ватыкан паведамляў, што «папа Францішак добра правёў ноч». «Клінічныя паказчыкі стабільныя, праводзяцца дыягнастычныя і тэрапеўтычныя мерапрыемствы, прадпісаныя медперсаналам», — гаварылася ў больш раннім паведамленні Ватыкана.
У маладосці пантыфіку ў ходзе аперацыі часткова выдалілі лёгкае пасля перанесенай хваробы, з-за чаго, як пісалі СМІ, ён больш успрымальны да рэспіраторных інфекцый, піша Бі-бі-сі.
Папу Францішку — 88 гадоў, пасаду кіраўніка Рыма-каталіцкага касцёла ён займае з сакавіка 2013 года.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары