У Беларусі затрымалі армянскую блогерку Бэлу (Розу Бабаханян), паведаміў у сваім фэйсбуку блогер Аляксандр Лапшын са спасылкай на крыніцы ў пасольстве Беларусі ў Ерэване
«Сябры, як мне паведамілі неафіцыйныя крыніцы ў Пасольстве Рэспублікі Беларусь у Арменіі, армянскую блогерку Бэлу арыштавалі ў Беларусі на 15 сутак і далей меру стрымання будзе вызначаць суд. У дадзены момант яна знаходзіцца ў турме. У яе два грамадзянствы, Арменіі і Беларусі», — напісаў ён.
Паводле яго, Розу Бабаханян абвінавачваюць яе па наступных артыкулах Крымінальнага кодэкса Рэспублікі Беларусь:
- Артыкул 130 — распальванне расавай, нацыянальнай, рэлігійнай альбо іншай сацыяльнай варожасці або варожасці.
- Артыкул 123 — прапаганда вайны
- Артыкул 188 — паклёп
- Артыкул 369 — абраза прадстаўніка ўлады
- Артыкул 186 — пагроза забойствам, прычыненнем цяжкіх цялесных пашкоджанняў
«Абвінавачванні, наколькі я зразумеў, ёй ужо прад'яўленыя, але афіцыйнай заявы ні МУС Беларусі, ні МЗС Беларусі яшчэ не зрабілі», — дадаў ён.
Нагадаем. што Аляксандр Лапшын правёў нейкі час у беларускай турме, яго затрымлівалі на запыт Баку.
Цяпер чытаюць
Каб не плаціць падатак на сабак, мінчукі пачалі здаваць іх у пункты адлову25
Каментары