ЕС можа выдзеліць Украіне велізарны пакет дапамогі —700 мільярдаў еўра
ЕС рыхтуе беспрэцэдэнтны шматмільярдны пакет дапамогі на закупку вайсковай тэхнікі для Украіны, піша УНІАН.
Міністарка замежных спраў Германіі Аналена Бербак расказала пра ягоны маштаб, заявіўшы, што сума можа скласці каля 700 мільярдаў еўра.
«Мы запусцім вялікі пакет, якога ніколі раней не было ў такім маштабе», — сказала Бербак у кулуарах Мюнхенскай сустрэчы.
Новы пакет на сотні мільярдаў еўра можа быць прафінансаваны за кошт агульнага доўгу краін — членаў ЕС, механізму, які ўжо выкарыстоўвалі падчас пандэміі каранавіруса.
«Як у выпадку з еўра ці крызісам COVID-19, цяпер будзе фінансавы пакет для гарантавання бяспекі ў Еўропе. Гэта адбудзецца ў найбліжэйшай будучыні», — растлумачыла дыпламат.
Яна падкрэсліла, што мір ва Украіне магчымы толькі праз сілу:
«Для гэтага неабходныя жорсткія і доўгатэрміновыя гарантыі бяспекі для Украіны, моцны блок НАТА і прагрэс у перамовах пра далучэнне Украіны да Еўрапейскага саюза. Як еўрапейцы, як немцы, мы цвёрда стаім на баку Украіны — надаючы вайсковую, гуманітарную і фінансавую падтрымку».
Бербак нагадала, што з моманту поўнамаштабнага расійскага ўварвання краіны Еўропы падтрымалі Украіну на агульную суму больш за 134 мільярды еўра, прычым адна толькі Германія — амаль на 44 мільярды еўра.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары
Грошы павінны застацца у эўразвязе ці у Паўдзённай Карэі Японіі Ні $€£¥..Трампу яго спонсарам выбарцам.
пока с тем, что действительно за 3 года могло бы полностью сломать ход войны в Украину поставлено или небыло, или поставлено в штучных экземплярах, или не давалось разрешение использовать.