У судзе Кобрынскага раёна 25 лютага пачнецца разгляд крымінальнай справы паводле ч. 1 арт. 342 (актыўны ўдзел у дзеяннях, якія груба парушаюць грамадскі парадак) Крымінальнага кодэкса супраць Дзмітрыя Кубарэцкага, Наталлі Кубарэцкай, Віктара Ціханенкі, Іллі Ціханенкі. Працэс будзе весці суддзя Аляксей Кміта, піша «Вясна».
З дапамогай «Белпол», што вядома пра абвінавачваных.
Іллю Ціханенку 28 гадоў. Мужчына працаваў ліцейшчыкам на кобрынскай фабрыцы дзіцячых цацак «Палессе». У 2018 годзе Ілля прыцягваўся да адміністрацыйнай адказнасці за тое, што на сваёй старонцы «Укантакце» апублікаваў фота сцяга і эмблемы нацыянал-сацыялістычнай партыі Германіі.
Брату Іллі, Віктару Ціханенку, 23 гады. Хлопца неаднаразова судзілі за бойкі і распіццё алкаголю ў грамадскіх месцах.
35-гадовы Дзмітрый і 34-гадовая Наталля Кубарэцкія — муж і жонка, якія маюць 9-гадовую дачку. Наталля зарэгістраваная як індывідуальная прадпрымальніца. Па стане на 2019 год Дзмітрый працаваў штукатурам у Брэсцкім рамонтна-будаўнічым трэсце № 1.
Знікненне спікеркі КР Анжалікі Мельнікавай. Усё важнае, што вядома на гэты момант19
Каментары