Дальнабойшчык пераабсталяваў дно фуры, каб завезці з Польшчы ў Беларусь прыцэлы
Беларускі дальнабойшчык паспрабаваў завезці з Польшчы ў Беларусь цеплавізійныя прыцэлы і падшыпнікі. Для гэтага ён абсталяваў у фуры падвойнае дно, але брэсцкія мытнікі ўсё адно знайшлі груз. Цяпер кіроўцу чакае суд, паведамляе Мытны камітэт.
На мытні аўтамабіль агледзелі з дапамогай сканера і вырашылі правесці дагляд.
«Як вынік, са сканструяваных нішаў вынята 352 адзінкі аднарадных радыяльных шарыкавых падшыпнікаў і цеплавізійных прыцэлаў», — расказалі мытнікі.
Кошт знойдзенага ў схованках тавару складае каля 55 тыс. рублёў.
Брэсцкая мытня пачала адміністрацыйны працэс у адпаведнасці з ч. 2 арт. 15.1 КаАП (за незаконнае перамяшчэння тавараў праз мяжу). Груз і транспартны сродак канфіскавалі. Іх лёс вызначыць суд.
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую1
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6464
Каментары