У Беларусі выводзяць новую пароду кароў. Абяцаюць унікальнае малако
Пагалоўе новай пароды ўжо тэстуюць у некалькіх раёнах краіны. Канчатковае вывядзенне плануецца да 2030 года.
У Беларусі выводзяць новую пароду кароў. Чакаецца, што яна будзе даваць больш малака, а само малако будзе надзелена ўнікальнымі ўласцівасцямі.
Уласнае пагалоўе тэстуюць у чатырох раёнах краіны, расказаў СТБ намеснік генеральнага дырэктара Навукова-практычнага цэнтра НАН Беларусі па жывёлагадоўлі Аляксандр Будзевіч.
«У гэтай пароды і менш захворванняў вымя, і менш цярпіць капытны рог, адрозніваецца малако па наяўнасці бялку, тлушчу. Плюс гэтае малако больш можа выкарыстоўвацца ў сыраробстве. Таксама гэтыя генатыпы адрозніваюцца яшчэ па адным фактары — лепшая ператраўляльнасць у пэўнай ступені. Ёсць такія генатыпы, у якіх малако лепшае. Таму іх трэба адбіраць і далей выкарыстоўваць у селекцыі ў нашай краіне», — расказаў Будзевіч.
Закончыць вывядзенне «чырвонай» пароды навукоўцы плануюць да 2030 года.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу11
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары