Трамп верыць, што Украіна можа вярнуць частку захопленай Расіяй тэрыторыі
Прэзідэнт ЗША Дональд Трамп мяркуе, што Украіна можа вярнуць прынамсі частку акупаваных Расеяй тэрыторый, хоць «гэта няпроста зрабіць». Як паведамляе «Еўрапейская праўда», пра гэта ён сказаў падчас сустрэчы з прэзідэнтам Францыі Эмануэлем Макронам у Белым доме 24 лютага.
Амерыканскі прэзідэнт заявіў, што Украіне будзе няпроста вярнуць акупаваныя расіянамі тэрыторыі.
«Вы пытаецеся, ці могуць яны вярнуць землі, якія страцілі. І я скажу: так, магчыма, іх частку так. Але гэта няпроста зрабіць», — сказаў Трамп.
У той жа час, па ягоных словах, пытанне тэрытарыяльных саступак Украіны будзе «часткай перамоў».
Прэзідэнт ЗША таксама выказаў надзею, што поўнамаштабнае расійскае ўварванне Расіі ва Украіну можа завяршыцца «за лічаныя тыдні».
«Я думаю, мы можам завяршыць яе за лічаныя тыдні. Калі мы будзем разумныя. А калі не будзем, то яна і далей будзе працягвацца, і мы і далей будзем губляць маладых, цудоўных людзей, якія не павінны паміраць», — заявіў ён.
Калі ж расійскую агрэсію супраць Украіны не ўдаецца спыніць, то яна «можа перарасці ў Трэцюю сусветную вайну».
Прэзідэнт ЗША выказаў упэўненасць, што Расія хоча ўдзельнічаць у перамовах аб «спыненні агню», дадаўшы, што пасля гэтага павінна наступіць і «спыненне вайны».
Акрамя таго, Трамп падтрымлівае ідэю размяшчэння еўрапейскіх войскаў ва Украіне для кантролю за патэнцыйным «перамір'ем».
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
достаточно почитать полный текст его трепа что бы понять что он мечтает о друге путене и исчезновения Украины как таковой.я уж молчу про нашу Беларусь.
Мы з Зянонам Станіслававічам верылі, верым і будзем верыць!