Аляксандр Лукашэнка ў інтэрв’ю амерыканскаму блогеру Марыа Наўфалу анансаваў свой будучы візіт у Расію і перамовы з Уладзімірам Пуціным, паведамляе БелТА.
«Праз тыдзень мы з ім сустрэнемся ў Маскве і вельмі падрабязна і дэталёва абмяркуем усе пытанні. Па тэлефоне мы якраз на гэта і спаслаліся — што сустрэнемся і абмяркуем усё ў дэталях», — сказаў Лукашэнка.
Таксама Лукашэнка выказаўся пра сітуацыю з Украінай.
Паводле яго слоў, падчас яго апошніх кантактаў з Уладзімірам Пуціным расійскі лідар пацвердзіў гатоўнасць да перамоў па ўрэгуляванні сітуацыі ва Украіне, у тым ліку з украінскім бокам.
«Потым ён працягнуў гаварыць, што ўкраінцы і Зяленскі крыўдуюцца, што іх не запрасілі ў Саудаўскую Аравію. Кажа: «Навошта клікаць, калі там абмяркоўваліся пытанні Расіі і ЗША? Там толькі ўскосна закранулі на гэтых перамовах пытанні Украіны. Таму навошта было клікаць Украіну?» Але пра гэта ўжо і Трамп сказаў у такім жа ключы. Калі будуць вырашацца пытанні Украіны, я думаю, без Украіны гэтыя пытанні ніхто вырашаць не будзе», — заявіў Лукашэнка.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго8
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары