Стала вядома, колькі школьнікаў здалі рэпетэцыйны экзамен на 100 балаў
Рэспубліканскі інстытут кантролю ведаў (РІКВ) апрацаваў 55,4 тыс. работ рэпетыцыйнага цэнтралізаванага экзамену. 100 балаў атрымалі сёлета 133 школьнікі, сярэдні вынік наблізіўся да 60 балаў, паведамілі ў Міністэрстве адукацыі.
Экзамен праводзіўся па 16 вучэбных прадметах.
«Больш за ўсё максімальных вынікаў па замежнай мове (44), матэматыцы (28) і рускай мове (21)», — расказалі ў Мінадукацыі.
Сярэдні бал па фізіцы склаў 60,1, хіміі — 57,6, гісторыі Беларусі ў кантэксце сусветнай гісторыі — 57,5, замежнай мове — 56,9, матэматыцы — 56,8. У 19 выпадках школьнікі атрымалі 0 балаў. Адзін вынік анулявалі праз парушэнні правілаў.
«Па выніках РЦЭ-2025 колькасць нулявых вынікаў у 2 разы меншая, чым у 2024 годзе», —— адзначылі ў Мінадукацыі.
Там лічаць, што гэта сведчыць «пра больш высокі ўзровень падрыхтоўкі вучняў і выніковасць працы педагогаў».
Складанасць тэстаў у параўнанні з мінулым годам не змянялася і цалкам адпавядае школьнай праграме, дадалі ў Міністэрстве.
Гэтым разам удзельнікі РЦЭ ў сваіх асабістых кабінетах змогуць не толькі ўбачыць свае вынікі і азнаёміцца са сканаванымі копіямі запоўненых бланкаў. На сайце РІКВ будуць актуальныя спасылкі на падручнікі з адказамі па кожным заданні, што дазволіць зрабіць працу над памылкамі.
Рэпетыцыя цэнтралізаванага экзамену праходзіла 8 лютага. Самымі папулярнымі прадметамі на ёй сталі руская мова, матэматыка, біялогія і грамадазнаўства.
Цяпер чытаюць
Што вядома пра затрыманых радыёаматараў, якім пагражае аж да расстрэлу15
Каментары