Сустрэча Уладзіміра Зяленскага і Дональда Трампа ў Белым доме перарасла ў сварку на падвышаных танах. Трамп сказаў Зяленскаму, што Украіна не ўдзячная за дапамогу.
«Вы не маеце права дыктаваць нам тое, што мы будзем адчуваць. Мы на мяжы Трэцяй сусветнай вайны, вы не паважаеце ЗША», — заявіў Трамп Зяленскаму пасля таго, як украінскі прэзідэнт сказаў, што з 2014 года ніхто не спыніў Расію.
«Ён акупаваў у 2014 годзе Крым. Ён з 2014 года акупаваў тэрыторыі да 2022 года. Ніхто яго не спыняў. Я нават падпісаў пагадненне з ім, і Макрон, і Меркель пацвердзілі, што будзе спыненне агню і ніхто далей не пойдзе. А Пуцін сарваў гэта пагадненне. Пра якую дыпламатыю вы кажаце? Якая тут можа быць дыпламатыя?», — сказаў Зяленскі ў адказ на словы віцэ-прэзідэнта Вэнса, што Трамп займаецца дыпламатыяй.
Віцэ-прэзідэнт ЗША спытаў у Зяленскага, ці лічыць ён паважлівым «прыходзіць у Авальны кабінет ЗША і нападаць на адміністрацыю, якая спрабуе прадухіліць разбурэнне вашай краіны».
«Вы павінны быць удзячныя, у вас няма карт на руках, у вас скончваюцца вайскоўцы», — сказаў Трамп, настойваючы на неабходнасці спынення агню.
На што Зяленскі заявіў, што ён не ў карты прыехаў гуляць.
Трамп лічыць, што без амерыканскай зброі і тэхнікі «вайна скончылася б за два тыдні». Зяленскі адказаў, што «ад Пуціна чуў пра тры дні, цяпер ужо два тыдні».
Напрыканцы Трамп дадаў: «Гэта будзе выдатнае шоу для тэлебачання».
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары