Грамадства77

Памятаеце асабістага пілота Лукашэнкі, які трапіў у турму? Вось як склаўся яго лёс

Пілот з 35-гадовым стажам Вадзім Мельнік быў прысуджаны да 6 гадоў калоніі, але правёў за кратамі значна менш.

Вадзім Мельнік. Фота Sur.by

Вадзім Мельнік быў надзвычай важнай персонай на мяжы стагоддзя. Пілотам «Белавія» ён стаў яшчэ за савецкімі часамі, а ў 1990-я лічыўся асабістым пілотам Аляксандра Лукашэнкі. У пачатку 2000-х Мельнік стаў адказваць за ўсё беларускае неба — спачатку як намеснік старшыні Камітэта па авіяцыі (2001-2005), а пасля як старшыня гэтага камітэта (2005-2012). Пры гэтым яшчэ працягваў перыядычна лятаць як пілот.

Пасля гэтага Мельнік стаў дырэктарам авіякампаніі «Трансавіяэкспарт». У гэтым статусе яго і арыштавалі ў красавіку 2015 года. Яго абвінавацілі ў махлярстве і дачы хабару.

Паводле версіі сілавікоў, Мельнік вырашыў скарыстацца тым, што замежнікі хацелі купіць «Трансавіяэкспарт», і прапанаваў свае паслугі, каб быць пасярэднікам — пагаварыць з кім трэба і перадаць грошы каму трэба. Хоць насамрэч, маўляў, не мог ніяк уплываць на сітуацыю.

Вадзім Мельнік

Былому пілоту прысудзілі 6 гадоў з канфіскацыяй маёмасці і адправілі ў віцебскую калонію для чыноўнікаў, сілавікоў і бізнэсменаў. Больш пра Мельніка публічна ніхто не ўзгадваў.

«Кіберпартызаны» падзяліліся з «Нашай Нівай» выпіскай з баз, з якіх можна зрабіць выснову пра тое, што далей адбывалася ў жыцці Вадзіма Мельніка.

За кратамі ён правёў прыкладна палову прызначанага тэрміну. Нічога дзіўнага ў гэтым няма — Мельнік мог патрапіць пад некалькі амністый і ўрэшце атрымаць умоўна-датэрміновае вызваленне. На свабодзе ён апынуўся ў 2018 годзе.

Вадзім Мельнік

Тады ж яго ўзялі на працу ў кампаніі «Русалан», якая займалася кансультаваннем па пытаннях камерцыйнай дзейнасці і кіравання.

У 2019-2020 Мельнік працаваў у Беларускім навукова-даследчым інстытуце транспарту «Транстэхніка». Далей у базах ёсць пазнака, што ў 2020-2021 ён быў работнікам «Мінсккамунцепласеткі», пасля чаго нарэшце вярнуўся да авіяцыі.

У 2021-2022 Мельнік працаваў у кампаніі «Альфа Арыён», спецыялізацыя якой — вытворчасць беспілотнікаў. А ў 2022 годзе ён выкладаў у Мінскім дзяржаўным вышэйшым авіяцыйным каледжы.

У канцы 2022 года Вадзім Мельнік памёр. Яму было 63 гады.

Каментары7

  • Отец Засандалий
    03.03.2025
    Косую не обманешь.
  • JJ
    04.03.2025
    Добрый день, дорогая редакция. Родственники умершего не давали разрешение и согласие на публикации данной статьи, порочащей Вадима Мельника с искажением фактов, а также дающей место для комментариев не знающих людей, не относящихся к данному делу. Порочащих комментариев. Прошу удалить данную статью сегодня. В противном случае вам будет предъявлен иск по статье 153 ГК РБ, также потребовано возмещение убытков и моральная компенсация, которая, как Вадим всегда и делал, будет отправлена на счет детского дома. Благодарю за внимание.
  • Рэд.
    04.03.2025
    JJ, Артыкул не будзе выдалены
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Эйсманты на «Майбаху», Баскаў на «Бэнтлі». Хакейны сезон у Мінску закрылі з шыкам-бляскам9

Эйсманты на «Майбаху», Баскаў на «Бэнтлі». Хакейны сезон у Мінску закрылі з шыкам-бляскам

Усе навіны →
Усе навіны

«Як з пластыліну». Беларуска паскардзілася на смятану ад «Савушкавага»7

Наладчыка станкоў з «Пеленга» асудзілі і абвесцілі «тэрарыстам». Летась на прадпрыемстве была аблава сілавікоў1

Ментусава расказала, што адчувала пасля таго, як яе фэйкавыя здымкі загрузілі на порнасайт26

Расія згодная абмяркоўваць пытанне перадачы ЗША кантролю над Запарожскай АЭС3

Ціханоўскай давяраюць 83%, Латушку — 65%, Пазняку — 13%, Краўцову і Ягораву — па 4%80

У Мінску прадаюць нестандартную 3-узроўневую кватэру. Цана можа прыемна здзівіць2

Ксяндза з Шуміліна Анджэя Юхневіча асудзілі на 13 гадоў зняволення5

Выйшаў на свабоду палітвязень Андрэй Асмалоўскі

Трэнер жаночай зборнай Беларусі па гандболе: У мяне ў кожнай камандзе былі лесбіянкі. Замілоўваюць спробы гэта рэгуляваць10

больш чытаных навін
больш лайканых навін

Эйсманты на «Майбаху», Баскаў на «Бэнтлі». Хакейны сезон у Мінску закрылі з шыкам-бляскам9

Эйсманты на «Майбаху», Баскаў на «Бэнтлі». Хакейны сезон у Мінску закрылі з шыкам-бляскам

Галоўнае
Усе навіны →

Заўвага:

 

 

 

 

Закрыць Паведаміць