Кіраўніка віцебскай турыстычнай фірмы судзяць за аватаркі ў фэйсбуку «Я TUT» і «Мы 97%»
«Віцебская вясна» даведалася, у чым вінавацяць Андрэя Красько, дырэктара «Віцебск-МегаТур», якога пачалі судзіць сёння ў судзе Першамайскага раёна Віцебска.
Андрэй Красько — дырэктар ПГУП «Віцебск-МегаТур», якое з'яўляецца афіцыйным прадстаўніком у Віцебску буйной сеткі турагенцтваў «Гарачыя туры».
49-гадовага віцябляніна вінавацяць у «несанкцыянаваным пікетаванні» па ч.1 арт. 24.23 КаАП. На яго старонцы ў фэйсбуку знойдзены фотаздымкі з «рамкамі» — са сцягам Украіны, з надпісам «Я TUT» і «Мы 97%».
На судовым пасяджэнні будзе разглядацца і яшчэ адзін пратакол — за «распаўсюд экстрэмізму» ў інтэрнэце па ч.2 арт.19.11 КаАП.
Судзіць дырэктара турфірмы будзе Кацярына Цыбульская — самая маладая суддзя суда Першамайскага раёна. Яна прыйшла сюды на працу ў снежні 2024 года, і з той пары яе прызначаюць разбіраць палітычна матываваныя справы.
Апрача Андрэя Красько, 4 сакавіка за «распаўсюд экстрэмізму» яна судзіць яшчэ дваіх віцяблян — прадпрымальніка Андрэя Капусціна і супрацоўніцу Віцебскага абласнога цэнтра дэрматавенералогіі і касметалогіі Алену Карабань.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?5
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары