Махляры выпрабоўваюць абсалютна новы і інавацыйны спосаб выманьвання грошай
Гэта спісанне сродкаў праз прыкладванне карткі да смартфона.
Махляры тэлефануюць ахвяры, прадстаўляюцца супрацоўнікамі банка або іншай крэдытнай арганізацыі і пад рознымі падставамі ўгаворваюць усталяваць фэйкавы банкаўскі дадатак, паведамляе тэлеграм-канал «Обратная сторона».
Гэты дадатак мае назву і лагатып рэальнага банка, што не выклікае падазрэнняў.
Пасля запуску дадатак просіць для ўваходу прыкласці банкаўскую картку да задняй панэлі тэлефона і ўвесці PIN-код.
Неасцярожная ахвяра прыкладвае картку, і ўсе даныя перадаюцца на тэлефон махляра.
У гэты час зламыснік знаходзіцца каля банкамату і праз свой смартфон здымае грошы з карткі пацярпелага.
У міліцыі просяць не ўсталёўваць банкаўскія дадаткі па спасылках з SMS, месенджараў або званкоў! Загружайце толькі з афіцыйных крам (Google Play, App Store).
Не прыкладайце картку да тэлефона па патрабаванні незнаёмых праграм і не перадавайце PIN-код нікому, нават калі вам кажуць, што гэта неабходна для бяспекі.
Таксама варта правяраць сапраўднасць званкоў ад «банка» — самастойна ператэлефанаваць у фінансавую ўстанову па афіцыйным нумары.
Калі падазраеце махлярства, тэрмінова звяжыцеся з банкам і заблакуйце картку!
Цяпер чытаюць
Беларуска, уласніца рэстарана ў Батумі, апынулася ў цэнтры скандалу з сабакамі13
Каментары