Да такіх высноў прыйшла германская служба замежнай разведкі BND яшчэ ў 2020 годзе.
Пандэмія COVID-19, па ўсім відаць, адбылася праз ўцечку віруса SARS-CoV-2 з лабараторыі ў кітайскім Ухані. Да такіх высноў прыйшла германская служба замежнай разведкі BND яшчэ ў 2020 годзе, піша Deutsche Welle са спасылкай на Süddeutsche Zeitung і Zeit.
Адзначаецца, што правядзенне расследавання ў гэтай сувязі было даручана спецслужбе ведамствам федэральнага канцлера і менавіта яно пасля засакрэціла атрыманую інфармацыю.
Аналіз BND абапіраецца на адкрытыя крыніцы, асабліва на матэрыял, сабраны ў рамках аперацыі спецслужбаў пад кодавай назвай Saaremaa, вынікае з публікацый. У прыватнасці, гаворка ідзе аб навуковых звестках з кітайскіх даследчых інстытутаў, у тым ліку Уханьскага інстытута вірусалогіі.
У матэрыялах утрымліваюцца не толькі сведчанні правядзення рызыкоўных эксперыментаў, падчас якіх натуральныя вірусы штучна мадыфікаваліся, але і ўказанні на шматлікія парушэнні правілаў бяспекі ў лабараторыях.
Па звестках журналістаў, падчас праўлення Ангелы Меркель на пасадзе кіраўніка ўрада Германіі кіраўнік BND Бруна Каль асабіста інфармаваў ведамства федэральнага канцлера аб аперацыях па расследаванні паходжання віруса SARS-CoV-2.
Імавернасць лабараторнага паходжання віруса ацэньвалася ў гэтых справаздачах як 80-95%, пішуць Süddeutsche Zeitung і Zeit. Аднак ведамства федэральнага канцлера палічыў за лепшае не разгалошваць гэту інфармацыю.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары
Вывядоўчая дзейнасьць ці Расследавацельная?
З самага пачатку была зразумела што вірус уцёк з інстытуту вірусалогііі АН КНР.