У сацсетках з'яўляюцца кадры праезных частак беларускіх дарог, літаральна абсыпаных жабамі.
Koko.by змясціў у сваім тэлеграм-канале фота дарогі, якая вядзе да санаторыя «Юнацтва» на Мінскім моры.
Гэта шэрыя жабы, якія нерастуюць, патлумачыў у сваім тэлеграм-канале Прыпяцкі запаведнік. І адбываецца гэты акт кахання вельмі цікава.
Зверху, як вершнік, моцна ўчапіўшыся ў самку, сядзіць самец. Ён яшчэ з першымі цёплымі сонечнымі прамянямі чакае на беразе вадаёма сваю самую буйную сяброўку. І чым самка буйнейшая, тым лепш. Самец хапае выбранніцу ў моцныя абдымкі і не выпускае са сваіх лап, пакуль яна не адкладзе ікру.
Абдымкі стымулююць паспяванне ікры і яе своечасовы выхад, а каб самка не выслізнула, самец з усіх сіл уціскае ў яе бакі кісці, на якіх ёсць шлюбныя мазалі — шурпатыя ўчасткі скуры.
Для апладнення самцу дастаткова пакрыць семем ікру, бо ў жаб адбываецца знешняе апладненне.
Бывае, што самцы не хочуць саступаць самку адзін аднаму, і ёй даводзіцца цягнуць на сабе двух «кавалераў». Але самы дужы хутка распраўляецца з канкурэнтам.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары
хто? што? жа́ба
мн. жа́бы
Родны
каго? чаго? жа́бы
мн. жа́б
Давальны
каму? чаму? жа́бе
мн. жа́бам
Вінавальны
каго? што? жа́бу
мн. жа́б
Творны
кім? чым? жа́бай, жа́баю
мн. жа́бамі
Месны
у кім? у чым? жа́бе
мн. жа́бах