Трамп заявіў, што правёў «добрую і прадуктыўную» размову з Пуціным і заявіў пра акружэнне ўкраінскіх войскаў
Прэзідэнт ЗША Дональд Трамп заявіў у сваёй сацсетцы Truth пра тэлефонную размову з Пуціным. У Белым доме ўдакладнілі, што спецпасланнік прэзідэнта ЗША Стыў Уіткаф, а не Трамп размаўляў з Пуціным.
Размова атрымалася «вельмі добрай і прадуктыўнай», адзначыў Трамп. Ён лічыць, што гэта добры сігнал на тое, што вайна можа скончыцца.
Прэзідэнт ЗША напісаў і пра «акружэнне ўкраінскіх войскаў расійскімі». Здаецца, гэта не адпавядае рэальнасці, пра гэта не пішуць аўтарытэтныя ўкраінскія і расійскія крыніцы. Аднак гэта выгадны для расійскай прапаганды наратыў.
Генеральны штаб Узброеных сіл Украіны пазней абверг заявы Уладзіміра Пуціна і прэзідэнта ЗША Дональда Трампа аб акружэнні ўкраінскіх падраздзяленняў у Курскай вобласці. У камандаванні заявілі, што «такія паведамленні — выдумка расіян для палітычнага ціску на Украіну і яе партнёраў».
13 сакавіка спецпасланнік прэзідэнта ЗША Стыў Уіткаф сустрэўся з Пуціным. Той перадаў праз Уіткафа «дадатковыя сігналы» для Трампа, казаў Дзмітрый Пяскоў.
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары