Сербская апазіцыя абвінаваціла ўлады ў выкарыстанні забароненай гукавой зброі супраць пратэстоўцаў
У сеціве з'явіліся відэа, на якіх, як сцвярджаецца, — сербскія пратэстоўцы. Яны дзіўна сябе паводзяць — раптоўна, як па камандзе, бягуць у розныя бакі. Сербскія ўлады пракаментавалі сітуацыю.
Учора падчас 15-хвіліннай акцыі маўчання ў Бялградзе ў нейкі момант адбылося незразумелае — нейкі шум, які зрушыў натоўп. У сацсетках пісалі пра гук, ад якога «стыне кроў у жылах».
«Слабодная Босна» паведаміла, што гэта была гукавая гармата — забароненая зброя, якую рэжым Аляксандра Вучыча вырашыў выпрабаваць на студэнтах-пратэстоўцах.
«Жудасны досвед: нібы гук біў у грудзі і галаву. Потым пачалася цісканіна. Людзі бегалі, падалі, крычалі. Мы былі каля вітрыны і пад ціскам людзей ледзь не разбілі целам шкло», — напісала ў сацсетках жанчына, якая нібыта такое перажыла.
Лідэр партыі «Srce» Здраўка Понаш таксама абвясціў, што на акцыі пратэсту ў Бялградзе была выкарыстаная гукавая гармата.
«Вы выкарыстоўвалі гукавую гармату. Вы стралялі ў грамадзян, калі яны моўчкі аддавалі даніну памяці ахвярам вашага рэжыму. Вы стралялі ў людзей, якія мірна пратэставалі. Вы не вытрымалі. Гэта ваш мір, стабільнасць!» — напісаў ён у сетцы «Х».
Міністэрства абароны Сербіі ў сваю чаргу адказала на гэтыя абвінавачанні аб выкарыстанні гукавой гарматы падчас пратэстаў 15 сакавіка.
Там заявілі, што міністэрства абароны і ўзброеныя сілы Сербіі «не выкарыстоўвалі і не выкарыстоўваюць гукавыя гарматы і іншыя сродкі, не прадугледжаныя законам».
Што такое гукавая гармата?
Гэта несмяротная зброя, якая выпраменьвае інтэнсіўныя гукавыя хвалі ў пэўным кірунку, і можа выклікаць у пацярпелых галаўны боль, млоснасць, дэзарыентацыю, а ў некаторых выпадках магчыма незваротнае пашкоджанне слыху. Ёсць розныя тыпы гукавых гармат, і іх выкарыстанне залежыць ад частаты і гучнасці гуку, які яны вырабляюць.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары