На адным з самалётаў «Белавія» адключылася сістэма папярэджання сутыкненняў у паветры
Позна ўвечары 16 сакавіка на самалёце «Белавія», які выконваў рэйс з Масквы ў Мінск, адмовіла сістэма TCAS. Гэтая сістэма маніторыць прастору вакол самалёта і папярэджвае аб імавернасці сутыкнення з іншымі паветранымі суднамі.
Як паведамляе тэлеграм-канал Aviaincident, пра гэта а 23:28 маскоўскага часу (супадае з мінскім) паведаміў экіпаж, калі самалёт быў на вышыні 26 900 футаў на поўдзень ад Ржэва.
Камандзір экіпажа ўхваліў рашэнне працягваць палёт, а 0:35 самалёт прызямліўся ў Мінску, дапамога па прыбыцці не спатрэбілася.
Самалёт ERJ-175 выконваў рэйс BRU916 з маскоўскага аэрапорта «Шарамеццева» ў Мінск.
Каментары