Што ў адзенні дзяўчат не падабаецца хлопцам больш за ўсё.
Гомельскі блогер пацікавіўся ў падлеткаў, што ім не падабаецца ў адзенні і стылі дзяўчат.
«Кампусы — гэта ўвогуле поўная недарэчнасць як па мне. І скіні — стары век», — адказвае адзін з падлеткаў.
«Суперстары мне не падабаюцца, бігбоі белыя і сіпіха», — выказвае сваё меркаванне іншы падлетак.
А ў адказ на пытанне пра галоўнае «не» ў стылі дзяўчат хлопцы хорам адказваюць: «Біксы».
Відэа за дзень набрала больш за 3,8 мільёна праглядаў. Большасць гледачоў просяць растлумачыць: што значаць гэтыя словы? Калі «скіні» (вельмі вузкія джынсы) яшчэ знаёмае некаторым, то іншыя прыводзяць у замяшанне.
З таго, што тлумачаць у каментарах знаўцы падлеткавага слэнгу, вынікае наступнае. Кампусы і суперстары — гэта кеды ад Adidas (мадэлі Campus і Superstar), бігбоі — вельмі шырокія мехаватыя джынсы, сіпіха — талстоўка брэнду C.P. Company.
Найбольш пытанняў выклікала слова «біксы». Адна жанчына прыгадала, што ў 1980-я, на якія прыйшліся яе падлеткавыя гады, так называлі дзяўчат лёгкіх паводзін. Цяпер «біксамі», найхутчэй, з негатыўным адценнем называюць модных дзяўчат, якія строяць з сябе крутых.
«Дзякуй, што зэканомілі мне час. А то я акрамя слова «дзяўчына» ўвогуле нічога не зразумела», — з гумарам заўважаюць у каментарах пад відэа.
Калі вы ведаеце значэнне падлеткавага слэнгу, то напішыце, у каментарыях.
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў9
Каментары
Говорит о том, что вместо мозгов потребительство, и большую часть времени люди проводят на маркетплейсах., иного объяснения у меня нет.
Згіне ў аналах Тыктока.