У Саратаўскай вобласці ноччу адбылася самая масіраваная атака БПЛА за ўсю вайну
Губернатар Раман Бусаргін абвясціў эвакуацыю жыхароў мікрараёна каля вайсковага аэрадрома.
Уначы адбыўся налёт украінскіх беспілотнікаў на Энгельс і ваколіцы. Пашкоджана больш за 30 прыватных дамоў у садовых таварыствах.
Таксама быў пашкоджаны будынак Энгельскай гарадской бальніцы. У выніку атакі пацярпела жанчына, ёй аказваецца медыцынская дапамога. Акрамя таго, падчас атакі БПЛА быў пашкоджаны будынак дзіцячага санаторыя «Чайка», а таксама выбіла шкло ў двух дзіцячых садах, школе і некалькіх шматпавярховых дамах.
«У мэтах бяспекі з-за ўзгарання на тэрыторыі аэрадрома праводзіцца эвакуацыя людзей, якія пражываюць на тэрыторыі бліжэйшай да аб'екта», — напісаў губернатар Раман Бусаргін. Таксама ён напісаў, што навучанне школьнікаў у Энгельсе сёння будзе дыстанцыйным.
Усяго за ноч над Саратаўскай вобласцю было збіта 54 дроны. Гэта самая маштабная атака на рэгіён. Акрамя таго, дроны былі збітыя над Варонежскай, Белгародскай, Растоўскай, Курскай і Ліпецкай абласцямі, а таксама ў Крыме.
Паводле даных Мінабароны Расіі, за ноч знішчаны 132 беспілотнікі.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары