Папа Францішак мусіць наноў вучыцца размаўляць пасля кіслароднай тэрапіі
Папа Францішак паступова аднаўляе сілы ў шпіталі, аднак павінен «наноў вучыцца гаварыць» пасля працяглага выкарыстання кіслароднай тэрапіі з высокім патокам, паведаміў у пятніцу кардынал Віктар Мануэль Фернандэс, піша Reuters.com.
Кардынал адхіліў чуткі пра магчымую адстаўку пантыфіка і адзначыў, што той вяртаецца да свайго звыклага стану.
«Папа пачуваецца вельмі добра, але кісларод высокага патоку вельмі моцна высушвае слізістыя. Яму трэба наноў вучыцца размаўляць, але ў цэлым яго фізічны стан такі ж, як і раней», — сказаў Фернандэс падчас прэзентацыі новай кнігі Францішка пра паэзію.
88-гадовы папа знаходзіцца ў шпіталі ўжо пяць тыдняў з дыягназам двухбаковае запаленне лёгкіх. За гэты час Ватыкан апублікаваў толькі адно кароткае аўдыя з яго выступам — 6 сакавіка. У ім голас Францішка быў зрывісты, цяжкі і амаль неразборлівы.
У апошняй медыцынскай зводцы, апублікаваным у пятніцу, Ватыкан паведаміў, што стан папы застаецца стабільным з «нязначным паляпшэннем дыхання і мабільнасці».
У паведамленні таксама адзначаецца, што з панядзелка папа ўжо не карыстаецца механічнай вентыляцыяй лёгкіх уначы, але ўсё яшчэ атрымлівае кісларод праз невялікую трубачку пад носам на працягу большай часткі часу.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу24
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ4949
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ49
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары