У Белавежскай пушчы завяршыліся работы па ўліку зуброў, якія праводзіліся супрацоўнікамі Нацыянальнага парку «Белавежская пушча» ў студзені-сакавіку, паведамляюць на сайце нацыянальнага парку.
Усяго ўлічана 726 зуброў, 8 з якіх утрымліваюцца ў дэманстрацыйных вальерах. У параўнанні з мінулым 2024 годам папуляцыя павялічылася на 36 галоў.
Улікам была ахопленая ўся тэрыторыя нацыянальнага парку, а таксама землі сумежных землекарыстальнікаў. Пры правядзенні уліку зуброў вызначалася не толькі колькасць жывёл, але і структура папуляцыі па полу і ўзросце. У вялікіх статках зуброў (больш за 50 асобін) улік праводзіўся з выкарыстаннем квадракоптара і фотаапарата з даўгафокусным аб'ектывам.
Па выніках уліку устаноўлена, што дарослых самцоў (старэйшых за 3,5 гадоў) зарэгістравана 132 асобіны, дарослых самак — 378, маладняку (1,5-3,5 года) — 127, цялят 2024 года нараджэння — 89.
У зімовы перыяд зубры рэгістраваліся на тэрыторыі Свіслацкага, Пружанскага і Камянецкага раёнаў.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?14
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
[Зрэдагавана]