Найлепшы бамбардзір у гісторыі футбола Крышціяну Раналду можа часова змяніць клуб.
Партугалец разглядае магчымасць сыходу з саудаўскага «Аль-Насра» дзеля ўдзелу ў Клубным чэмпіянаце свету 2025 года, піша Championat.com са спасылкай на TalkSport.
Дзейны кантракт Раналду з «Аль-Насрам» завяршаецца ўжо летам 2025 года.
Мяркуецца, што Раналду можа пайсці на нечаканы крок — падпісаць кароткатэрміновы кантракт з амерыканскім клубам «Інтэр Маямі» і згуляць на КЧС-2025 разам з легендарным Ліянэлем Месі.
Паведамляецца, што пасля заканчэння гэтага кароткага кантракту Раналду мае намер вярнуцца ў «Аль-Наср».
Месі выступае за «Інтэр Маямі» з 2023 года, а Раналду абараняе колеры «Аль-Насра» з таго ж самага года.
Клубны чэмпіянат свету-2025 пройдзе з 14 чэрвеня па 13 ліпеня ў ЗША. У ім возьмуць удзел 32 клубы, напрыклад, ад Еўропы — «ПСЖ», «Атлетыка» Мадрыд, «Рэал» Мадрыд, «Баварыя», «Барусія», «Інтэр» Мілан, «Ювентус», «Чэлсі», «Манчэстэр Сіці», «Бенфіка», «Порту», «Рэд Бул Зальцбург».
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары