У Мурманску чалавек забраўся на дах шматпавярховіка і пачаў страляць. Яго нейтралізавалі толькі праз дзве гадзіны
Стралок не выстаўляў ніякіх патрабаванняў, матывы яго паводзінаў застаюцца невядомымі.
Невядомы забраўся на дах дзевяціпавярховага інтэрната ў Мурманску каля дзесяці гадзін вечара. Ён размясціўся там і пачаў страляць у бок іншых дамоў і аўтамабіляў.
Відавочцы паведамляюць, што чулі не менш за 20 стрэлаў. Стралок вядзе агонь па мінаках, вокнах кватэр і сілавіках, што прыбылі на месца. Паводле папярэдняй інфармацыі, ён абстраляў тры паліцэйскія машыны, паведамляе «База».
Ніякіх патрабаванняў стралок не выказваў, ягоныя матывы пакуль невядомыя. Паліцыя ачапіла квартал, дзе адбываецца стральба. Аднак трапіць на дах сілавікі пакуль не змаглі.
Па інфармацыі канала Shot, некалькі чалавек атрымалі раненні. У стралка заўважылі дзве стрэльбы.
Спецназ і АМАП нейтралізавалі стралка амаль праз дзве гадзіны. Паведамляецца, што стралок цяжка паранены.
Цяпер чытаюць
У кадр зноў трапіла, якім памерам шрыфта для Лукашэнкі друкуюць выступы, каб ён бачыў12
Каментары