У рэгулярным чэмпіянаце Нацыянальнай хакейнай лігі «Вашынгтон Кэпіталз» дома прайграў «Бафала Сэйбрз» (5:8). 24-гадовы беларускі форвард «Вашынгтона» Аляксей Протас, які гуляў у першым звяне, закінуў шайбу.
На 37-й секундзе трэцяга перыяду Протас аформіў шайбу ў меншасці. Гэта быў трэці гол сталічнага калектыву ў паядынку.
У сезоне ў Протаса 73 гульні, 65 (30+35) балаў, паказчык карыснасці «+ 40», 18 хвілін штрафу.
Таксама ў паядынку закінуў шайбу і форвард «Вашынгтона» Аляксандр Авечкін, гэта яго 890-я шайба ў НХЛ за амаль 20 сезонаў. Расіяніну засталося чатыры шайбы да вечнага рэкорду Уэйна Грэцкі (894 шайбы). Авечкін, відавочна, абновіць рэкорд у наступных матчах.
«Вашынгтон» (гарантаваў сабе месца ў плэй-оф) з 103 баламі ў 73 гульнях ідзе на 1-м месцы ў табліцы Усходняй канферэнцыі.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары
Što da Aviečkina, to ū naūrad-ci jon nascihnie Hreckaha ū rehuliarnym čempijanacie. A KS nia ū lik.