Цана чэрвеньскіх ф'ючарсаў на нафту Brent знізілася на 3,27%, да $67,85 за бараль, сведчаць даныя таргоў лонданскай біржы ICE. У апошні раз нафта гандлявалася ніжэй за $68 за бараль амаль 3,5 года таму — 2 снежня 2021 года, піша РБК.
Нафта ўпала пасля ўвядзення прэзідэнтам ЗША Дональдам Трампам новых пошлін на імпарт з усіх краін. Для розных краін свету ЗША вырашылі ўвесці пошліны да 50%. Гэта ўзмацніла асцярогі, што глабальная гандлёвая вайна можа знізіць попыт на нафту. Негатыўна на рынак таксама паўплывала рашэнне краін АПЕК+ павялічыць здабычу нафты хутчэй, чым было абвешчана раней.
«У Вашынгтоне і Вене быў прыгатаваны ідэальны мядзведжы кактэйль», — распавёў аналітык брокерскай кампаніі PVM Oil Associates Томаш Варга.
Узаемныя пошліны практычна для ўсіх асноўных гандлёвых партнёраў ЗША абгрунтавана выклікаюць асцярогі адносна рэцэсіі ў эканоміцы і, магчыма, стагфляцыі, паведаміў ён. Гэта негатыўна адбіваецца на эканамічным росце і попыце на нафту.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1818
Каментары