Мужчына пры ўездзе з Літвы ў Беларусь не задэклараваў, што вязе з сабой дзесяць залатых манет агульным коштам каля 35 тысяч рублёў, расказалі ў Дзяржаўным мытным камітэце.
Пры вусным апытанні кіроўца заявіў, што тавараў, якія падлягаюць дэклараванню, ён пры сабе не мае. Аднак праведзены гродзенскімі мытнікамі агляд яго асабістых рэчаў паказаў іншае.
Дзесяць манет розных наміналаў, якія выявілі ў беларуса, былі вырабленыя ў Італіі, Нарвегіі, ЗША, Канадзе, Расійскай імперыі, аўстрыйскіх Нідэрландах. У іх складзе — больш за 90% золата.
Сем манет з 10 маюць узрост больш за 100 гадоў і адносяцца да культурных каштоўнасцяў.
Цяпер мужчыну пагражае штраф у памеры да 30 базавых велічынь — 1260 рублёў, а таксама дадатковы — у памеры ад 10% да 30% ад кошту манет.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай8
Каментары