У Магілёве нападала 25 см снегу. Гэта больш, чым за ўсю мінулую зіму
Паводле Белгідрамета, 5 красавіка ў Магілёўскай вобласці назіралася складаная метэаралагічная сітуацыя: парывы ветру дасягалі 15 м/с (максімальная хуткасць — у Горках), выпала шмат мокрага снегу. У Магілёве зафіксавалі вышыню снегу ў 25 см. Гэта больш, чым за ўсю мінулую зіму.
Паводле інфармацыі РУП «Магілёўэнерга», у выніку непагадзі без святла засталіся 128 населеных пунктаў, 15 малочнатаварных ферм і 5 кацельняў.
На раніцу 6 красавіка ўсё яшчэ адключанымі застаюцца 98 трансфарматарных падстанцый, 46 населеных пунктаў, 5 МТФ у Белыніцкім, Бабруйскім, Дрыбінскім і Асіповіцкім раёнах. Энергетыкі працягваюць аднаўленчыя працы.
Падраздзяленні МНС здзейснілі 12 выездаў для ўборкі паваленых дрэў у розных раёнах вобласці. Паводле звестак ведамства, пацярпелых няма.
Некаторыя цягнікі на ўчастку Асіповічы-Магілёў ідуць з адхіленнем ад графіка. З-за неспрыяльных умоў надвор'я 6 красавіка на ўчастку Асіповічы-Магілёў чыгункі адбылося падзенне дрэў на чыгуначныя шляхі.
Непагадзь таксама закранула Мінскую вобласць, паведамляе РУП «Мінскэнерга». Найбольш пацярпелі Пухавіцкі і Слуцкі раёны — з-за наліпання снегу і моцнага ветру пашкоджаны лініі электраперадач.
На раніцу 6 красавіка без электрычнасці заставаліся жыхары больш чым 130 населеных пунктаў.
У «Мінскэнерга» падкрэсліваюць, што спецыялісты працуюць кругласутачна, каб максімальна хутка аднавіць электразабеспячэнне.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку20
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары