Брытанія знайшла ў сваіх водах шпіёнскія датчыкі Расіі для сачэння за субмарынамі
Вайскоўцы Злучанага Каралеўства нядаўна знайшлі ў моры вакол Брытаніі шпіёнскія датчыкі, імаверна ўсталяваныя Расіяй для сачэння за атамнымі падводнымі лодкамі Вялікабрытаніі.
Пра гэта піша The Sunday Times — выданне гаварыла з вайскоўцамі і былымі міністрамі абароны аб тым, як Расія можа ўжываць свае здольнасці на моры для падрыхтоўкі дыверсій супраць Вялікабрытаніі. Асноўнае пераказвае «Еўрапейская праўда».
Нядаўна брытанскія вайскоўцы знайшлі ў моры датчыкі, якія лічаць расійскімі шпіёнскімі прыладамі. Некаторыя з іх сарваліся з мацаванняў і былі прыбітыя хвалямі на бераг, дзе іх і знайшлі. Яшчэ шэраг знайшлі з дапамогай флоту. Журналісты вырашылі не раскрываць месцы, дзе былі знойдзены прылады, і некаторыя іншыя дэталі з меркаванняў нацбяспекі.
Вайскоўцы лічаць, што датчыкі ўсталявалі расейцы з мэтай збору інфармацыі аб брытанскіх атамных падводных лодках. Адна з іх пастаянна знаходзіцца ў моры ў рамках мер стрымлівання.
У публікацыі таксама тлумачаць, якую пагрозу Расія можа ўяўляць для краін NATO сваімі падводнымі магчымасцямі, якія Масква не спыняла развіваць і пасля «халоднай вайны», і што Расія мае выключныя сродкі для падводнай вайны і шпіянажу, з якіх некаторыя могуць і пераўзыходзіць здольнасці Брытаніі і іншых краін NATO.
Таксама адзначаюць, што яшчэ да поўнамаштабнага нападу Расіі на Украіну Крэмль пачаў рыхтавацца да патэнцыйнай вайны з NATO, і гэтая стратэгія ўключала падрыхтоўку да дыверсій супраць падводнай інфраструктуры.
Таксама некалькі суразмоўцаў сказалі аб наяўнасці даволі пераканаўчых выведданых аб тым, што да лютага 2022 года яхты расійскіх алігархаў маглі ўдзельнічаць у шпіёнскай дзейнасці Расіі ў водах вакол Брытаніі. У прыватнасці, на некаторых з іх былі ўсе тэхнічныя сродкі, каб усталяваць ці атрымаць падводнае шпіёнскае абсталяванне.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары