Каханне і сэкс33

Што менавіта адбываецца ў мозгу мужчыны падчас сэксу?

Хоць здаецца, што целам пры сэксе кіруе інстынкт, галоўны спектакль адбываецца ў галаве. Новае даследаванне нейрабіёлагаў на мышах раскрыла, што менавіта адбываецца ў мужчынскім мозгу падчас палавога акту. І гэтае адкрыццё можа прывесці да новых падыходаў у лячэнні сэксуальных разладаў.

Фота: freepik.com

Даследаваць мужчынскую сэксуальнасць у лабараторных умовах прасцей, чым жаночую. У самцоў — людзей, мышэй, пацукоў і прыматаў — фізіялагічныя стадыі ўзбуджэння, пранікнення і эякуляцыі выразна адрозніваюцца, кожная мае свае маркеры. А вось жаночая рэакцыя на сэкс значна больш варыятыўная і дрэнна паддаецца стандартызацыі. Таму навуковыя даследаванні, у тым ліку і новае, апісанае на Fitbook.de, часцей за ўсё засяроджваюцца менавіта на мужчынскім боку.

Што ўжо было вядома

Большасць даследаванняў раней вывучалі пачатковыя этапы палавога акту і фазу пасля яго. Напрыклад, вядома, што ў мужчын перад эякуляцыяй актывуецца сістэма ўзнагароджання ў мозгу, дзе ключавую ролю адыгрывае дафамін (гармон шчасця, які выпрацоўваецца ў прылеглым ядры і адыгрывае ролю матыватару ў імкненні да ўзнагароджання і фармаванні задавальнення). Пасля аргазму ў справу ўступае сератанін — ён «гасіць» узбуджэнне і выклікае адчуванне расслабленасці.

У жанчын, у сваю чаргу, важную ролю адыгрываюць аксітацын (гармон прыхільнасці і эмацыйнай блізкасці, які актывізуецца падчас інтымнай блізкасці і спрыяе адчуванню сувязі) і сератанін, а падчас аргазму назіраецца прыгнечанне прэфрантальнай кары галаўнога мозгу — той самай, што адказвае за самакантроль, разважанні і выконвае ролю «ўнутранага крытыка».

Што высветлілі цяпер

Каманда даследчыкаў з Універсітэта Цукубы (Японія) і Нацыянальнага інстытута біялагічных навук у Пекіне вырашыла пайсці далей — зразумець, што адбываецца падчас самога палавога акту, паміж узбуджэннем і эякуляцыяй.

Яны правялі даследаванне на мышах, вынікі якога апублікаваў часопіс Neuron. Навукоўцы выявілі незвычайную каардынацыю двух нейрамедыятараў — ацэтылхаліну і дафаміну. Аказалася, яны працуюць у строга рытмічным узаемадзеянні і кіруюць усімі фазамі акта.

Вось што адбываецца крок за крокам:

Перад пранікненнем у мозгу актывуецца ацэтылхалін — ён нібыта дае целу «стартавы сігнал».

Калі пачынаецца пранікненне, у працу ўключаецца дафамін. Яго імпульсы супадаюць па частаце з рытмам рухаў таза.

Калі заблакаваць адзін з гэтых нейрамедыятараў, верагоднасць пранікнення або эякуляцыі зніжаецца.

Калі ўзмацніць ацэтылхалін падчас пранікнення, эякуляцыя надыходзіць амаль імгненна, а частата дафамінавых імпульсаў рэзка падае — гэта, відаць, і ёсць сігнал завяршэння.

Камп’ютарнае мадэляванне пацвердзіла: уся сістэма працуе дзякуючы тонкаму балансу і ўзаемнай рэгуляцыі гэтых двух рэчываў.

Прасцей кажучы: ацэтылхалін запускае працэс, дафамін задае рытм, а разам яны вызначаюць фінал. Без узгодненай працы гэтых элементаў нічога не адбываецца.

А пры чым тут чалавек?

Зразумела, не ўсё, што працуе ў мышэй, можна аўтаматычна перанесці на людзей. Але нейрабіялагічныя механізмы, звязаныя з дафамінам і ацэтылхалінам, у сысуноў шмат у чым падобныя.

Паколькі ацэтылхалін, як мяркуецца, адыгрывае ключавую ролю ў запуску эякуляцыі, фармакалагічнае ўздзеянне на гэты нейрамедыятар можа стаць асновай новых прэпаратаў для мужчын, якія церпяць ад заўчаснай або, наадварот, надта запаволенай эякуляцыі.

Але магчымыя і іншыя медыцынскія прымяненні. Напрыклад, пры хваробе Паркінсана, калі ўзровень дафаміну парушаны, часта назіраюцца сэксуальныя дысфункцыі. Новыя веды могуць дапамагчы палепшыць тэрапію гэтых спадарожных сімптомаў.

Таксама адкрыццё можа быць карысным пры псіхіятрычных станах, дзе дафамін адыгрывае важную ролю — у прыватнасці, пры ангеданіі (страце здольнасці адчуваць радасць) або іншых расстройствах, звязаных з адсутнасцю жадання і задавальнення.

Каментары3

  • Santa Veronica
    10.04.2025
    Гэта ведаць нам карысна
    У змаганьні з глабалізмам.
    А яшчэ карысна нам
    Пасля працы па 100 грам.
  • Man
    10.04.2025
    Все просто "как бы не залететь"
  • Таксама навуковец
    10.04.2025
    У сетцы ёсць ролік, яшчэ пачатку нулявых, які адзін лабарант запісаў з лабаранткай прама ў тамографе. Не ведаю, колькі дубляў прыйшлося зрабіць, каб якасна вытрымаць плоскасць. Ці можа там ассістэнт карэктаваў па ходу)

    Навукоўцы-сэксолагі пацвердзілі, што даведаліся шмат нюансаў з гэтага самаробнага эксперыменту!

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць