«Гэта рок-н-рол». Шура Стоўн ацэньвае начосы лукашыстак з легендарнага артыкула «Нашай Нівы»
«Такія начосы я бачыў на апошнім паказе брэнда Miu Miu. Калі гэта там было, паверце, яно хутка вернецца».
Камедыйны блогер Аляксандр Дзмітрыенка вядомы ў ютубе і інстаграме як Шура Стоўн або Выкрадальнік водараў (Похититель ароматов). Сярод іншага ён робіць агляды ўбораў гасцей свецкіх мерапрыемстваў ад «Оскара» да «Міс Сусвету». Блогер родам з Кіева, але цяпер жыве ў Вялікабрытаніі.
У новым выпуску ютуб-праекта «О(б)суждаем» вядучыя папрасілі Шуру Стоўн ацаніць начосы жанчын-удзельніц з'езду «Белай Русі», якія былі прадстаўлены ў нашым артыкуле за 2018 год.
«Тут такі пеўнік», — заўважыў Шура, пабачыўшы першы здымак. Ён кажа, што памятае такія прычоскі: «Гэта называлася «кок». І гэта рок-н-рол. Гэта прычоска з рок-н-рола».
«Гэта такая ў дэканаце сядзіць. Гэта парык, давайце будзем шчырымі», — заўважыў комік адносна прычоскі дырэктаркі брэсцкага рынку Наталлі Ільініцкай.
«Памада срэбная. Яна як жалезны дрывасек у пошуках сэрца», — заўважыў Шура адносна наступнага здымку.
«А раптам мы, як будзе па 55, пачнём гэта рабіць на аўтамаце? Як птушкі злятаюць у цёплыя краіны па нейкім унутраным поклічы. І мы пачнём таксама майстраваць [падобнае]», — разважае блогер.
Яшчэ адзін здымак ён пракаментаваў так:
«Цяпер быў паказ [калекцыі брэнду] Miu Miu, прысвечаны італьянскім крос-дрэсерам 60-х гадоў. (…) І там вось такія начосы. Калі гэта было ў Miu Miu, паверце, яно хутка вернецца».
«Я хачу сказаць — наколькі ўшчамілі жанчын, што трэба гэтым лакам 45 хвілін…. Разумееш, пакуль мужыкі займаюцца сваімі справамі, недзе проста чыляць, жанчыны павінны 45 хвілін надрачваць сабе галаву лакам, потым гэтай плойкай, ці што там?» — паспачуваў Шура Стоўн.
Цяпер чытаюць
Беларускі чыноўнік загаварыў па-беларуску, чым вельмі здзівіў і парадаваў людзей13
Каментары
дачушки