Здароўе55

Мужчына падхапіў цяжкую інфекцыю лёгкіх праз звычку нюхаць свае брудныя шкарпэткі

У Кітаі аматар нюхаць свае брудныя шкарпэткі пасля працяглага іх нашэння трапіў у бальніцу. Медыкі выявілі, што менавіта гэты прадмет гардэробу стаў крыніцай смяротна небяспечнага грыбка. І гэта не першы такі выпадак.

Фота: Pablo Jeffs Munizaga / Getty Images

Як паведамляе Daily Mail, у Чунцыне, што знаходзіцца на паўднёвым захадзе Кітая, офісны работнік сярэдніх гадоў трапіў у шпіталь з моцным кашлем, які не даваў яму спаць, нягледзячы на прыём лекаў.

Медыцынскае абследаванне паказала трывожныя прыкметы цяжкай інфекцыі ў правым лёгкім. Лекары правялі бронхаскапію і высветлілі, што ў пацыента аспергілёз — захворванне, выкліканае плесневым грыбком Aspergillus, які любіць вільготныя і цёплыя месцы.

Падчас размовы з пацыентам дактары даведаліся, што ён часта нюхаў свае шкарпэткі пасля доўгага нашэння. Аналіз паказаў, што на іх сапраўды прысутнічае той самы штам грыбка, які выклікаў хваробу.

Як патлумачылі спецыялісты, закрытая, вільготная і цёплая прастора ў абутку і шкарпэтках — ідэальнае асяроддзе для развіцця грыбкоў. Калі ўдыхнуць іх споры, асабліва пры аслабленым імунітэце, у чалавека можа развіцца грыбковая пнеўманія.

На шчасце, пацыент добра адрэагаваў на супрацьгрыбковыя прэпараты і ў хуткім часе быў выпісаны.

Гэта не першы падобны выпадак у Кітаі. У 2018 годзе 37-гадовы мужчына з Чжанчжоў таксама трапіў у бальніцу з кашлем і болем у грудзях. Ён прызнаўся, што меў звычку нюхаць уласныя шкарпэткі.

Фота: Cody Duncan / Getty Images

Тады лекары вызначылі, што інфекцыя распаўсюдзілася праз споры грыбка, якія былі ў яго абутку. Дадатковым фактарам, які паўплываў на развіццё захворвання, стаў зніжаны імунітэт з-за хранічнага недасыпання, звязанага з доглядам за дзіцем.

Спецыялісты адзначаюць, што аспергілёз рэдка сустракаецца ў здаровых людзей, але можа быць небяспечным для тых, хто мае захворванні лёгкіх (напрыклад, астму) або аслаблены імунітэт (напрыклад, у анкалагічных хворых).

Сімптомы ўключаюць кашаль з выдзяленнем макроты з крывёю, задышку, высокую тэмпературу, стомленасць і рэзкае зніжэнне вагі. У цяжкіх выпадках магчымыя крывацёкі ў лёгкіх, пнеўманія і нават распаўсюджванне грыбка на сэрца ці мозг.

Асабліва небяспечная форма — інвазіўны аспергілёз, які, паводле некаторых даследаванняў, забівае да 88% пацыентаў з моцна аслабленым імунітэтам.

Грыбок Aspergillus вельмі распаўсюджаны, і цалкам пазбегнуць кантакту з ім амаль немагчыма. Аднак людзям з групы рызыкі дактары раяць пазбягаць кампосных кучаў і апалай лістоты, падтрымліваць добрую вентыляцыю і дастаткова сухое паветра ў доме, каб прадухіліць рост грыбка.

Лячэнне залежыць ад цяжару захворвання: у большасці выпадкаў дапамагаюць супрацьгрыбковыя прэпараты, але некаторым даводзіцца прымаць іх усё жыццё. Часам патрабуецца хірургічнае выдаленне «грыбковых шароў» (шчыльных згусткаў) у лёгкіх.

Каментары5

  • Айфон Плафоныч
    11.04.2025
    Чуллівая,
    Падаецца, самы бяспечны варыянт - пукаць у шкарпекту. Асабліва, калі спіш у метро без трусоў.
  • Чуллівая
    11.04.2025
    Айфон Плафоныч, дзякуй, вы такі дасведчаны. Можа, падкажаце, ці можна пасля такой дэзінфекцыі нюхаць такую шкарпэтку бяспечна?
  • Пукаты
    12.04.2025
    Чуллівая, няма слову "пукаць" ў беларускай. Ёсць "бздзець". "Пукаты" азначае іншае, ніяк к не звязанае з фізіялогіяй.

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць