Пракурорская работніца расказала дзве гісторыі, калі ведамства дабілася меншых тэрмінаў для абвінавачаных
Падпальшчыкі аўтамабіля ў выніку атрымалі па 5 гадоў зняволення, а не па 8 гадоў, як ім далі раней.
Намесніца начальніка галоўнага ўпраўлення крымінальна-судовага нагляду Генеральнай пракуратуры Ганна Іглікава звярнула ўвагу на некаторыя гісторыі, калі пракурорскія работнікі з дапамогай касацый дабіваліся таго, каб суддзі выправілі свае памылкі. У выніку абвіначаныя атрымлівалі меншы тэрмін, чым ім было прысуджана раней.
Артыкул Іглікавай «Удзел пракурораў у касацыйнай і нагляднай вытворчасці» апублікаваны ў свежым нумары ведамаснага пракурорскага часопіса «Законнасць і правапарадак» (№1 за 2025 год).
Грамадзяніна Г. асудзілі на 14 гадоў за спажыванне наркотыкаў, за распаўсюд наркотыкаў у складзе арганізаванай групы, а таксама за апаганьванне будынку (па ч. 1 арт. 328, ч. 4 арт. 328, арт. 341 КК). Што за апаганьванне? Суд вызначыў, што ён нанёс на будынкі рэкламу наркатычнай інтэрнэт-крамы.
«Аднак артыкул 341 КК прадугледжваецца адказнасць за апаганенне збудаванняў і псаванне маёмасці толькі пры адсутнасці прыкмет больш цяжкага злачынства, якім у дадзеным выпадку з’яўлялася злачынства, прадугледжанае ч. 4 артыкула 328 КК, спосаб здзяйснення якога не мог разглядацца як самастойнае злачынства і не патрабаваў дадатковай кваліфікацыі», — адзначае Іглікава.
У выніку пасля пратэсту намесніка Генеральнага пракурора судовыя рашэнні па справе былі зменены. Абвінавачванне па арт. 341 КК у дачыненні да Г. было выключана. Агульны прызначаны яму тэрмін зменшылі да 13 гадоў.
Другая гісторыя датычыць П. і Р., якія атрымалі па 8 гадоў па ч. 3 арт. 218 КК — за тое, што падпалілі чужы аўтамабіль.
Аднак высветлілася, што калі запісвалі маёмасць, якая знаходзілася ў машыне, то і сам пералік, і кошт пашкоджанага запісалі са слоў пацярпелага. Ніякіх доказаў таго, што гэтыя рэчы насамрэч там былі, няма. Калі ж выключылі іх з нанесенай шкоды, то аказалася, што агульная сума пашкоджанага больш не дацягвае да асабліва буйнога памеру.
Ранейшае рашэнне раённага суда адмянілі, справу накіравалі на новы разгляд. Цяпер П. і Р. асудзілі па ч. 2 арт. 218 КК — і далі па 5 гадоў калоніі.
-
Іранка адкрыла ў Мінску арт-кафэ. Там прадаюць рэчы ручной работы і падаюць капучына з шафранам
-
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары