ЗША прапануюць Украіне мірны план, які дазволіць Пуціну захаваць захопленыя тэрыторыі. Сталі вядомыя амерыканскія прапановы
Новы праект мірнай дамовы, прапанаваны прадстаўнікамі Дональда Трампа, прадугледжвае прызнанне Крыма часткай Расіі і замацаванне лініі фронту, што дазволіць Пуціну захаваць амаль усе захопленыя тэрыторыі. Украіна ж, паводле ўмоў, не атрымае амаль ніякіх выразных гарантый бяспекі ад ЗША.
Паводле плана, пра які пішуць адразу некалькі заходніх СМІ, у тым ліку The Telegraph, і які будзе абмяркоўвацца ў Лондане ў сераду, ЗША прапануюць мірнае пагадненне, якое прадугледжвае прызнанне Крыма расійскай тэрыторыяй, а таксама фактычную легітымацыю кантролю Расіі над іншымі акупаванымі тэрыторыямі, уключаючы часткі Данецкай, Луганскай, Херсонскай і Запарожскай абласцей.
Асноўныя пункты плана
Украіна павінна адмовіцца ад імкнення да ўступлення ў НАТО, але захоўвае права далучыцца да Еўрасаюза.
Прызнанне ЗША Крыма як тэрыторыі Расіі.
Замацаванне цяперашняй лініі фронту, што дазволіць Расіі захаваць большую частку захопленых тэрыторый.
Расія аддасць два невялікія рэгіёны ва Украіне, а таксама забяспечыць доступ да вусця Дняпра і часткова выведзе войскі з Херсонскай вобласці.
Запарожская АЭС пераходзіць пад кантроль ЗША, адбываецца энергетычнае супрацоўніцтва ЗША з РФ, а амерыканскія кампаніі атрымліваюць доступ да карысных выкапняў Украіны.
ЗША здымуць усе санкцыі супраць Расіі і пачнуць новы этап супрацоўніцтва ў сферы энергетыкі.
План падрыхтаваны генералам Кітам Келагам і яго калегам Стывам Уіткафам, які плануе прэзентаваць яго Пуціну пасля рэакцыі Кіева. Аднак украінскія ўлады скептычна настроены і не чакаюць заключэння дамовы ў Лондане. Указваецца, што нават і Уладзімір Пуцін можа не пагадзіцца на частковую здачу тэрыторый.
Акрамя таго, паводле канстытуцыі Украіны, перадача тэрыторыі магчымая толькі праз рэферэндум, але ва ўмовах ваеннага становішча такія рэферэндумы забаронены.
Брытанскі прэм’ер Кір Стармер раней заяўляў, што ніводзін еўрапейскі кантынгент не можа быць накіраваны ва Украіну без гарантый бяспекі з боку ЗША, але прапанаваны план не ўтрымлівае такой гарантыі.
У той жа час выданне Axios піша, што Украіна гатовая абмеркаваць сёння 30-дзённае спыненне агню, але не прымае мірны план Трампа.
-
«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia Джэнсэна Хуанга праз шпіёнскі скандал падначаленыя расказалі пра ягоныя істэрыкі
-
Урад Чэхіі пазбаўляе грамадскія медыя фінансавай незалежнасці. У адказ у Празе пачаўся найбуйнейшы пратэст з 1989 года
-
Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал16
Каментары
Мо іран сабраўся бамбіць
А мо кітайцаў ад Тайваня адпужваць.