З трох памяшканняў закрытай клінікі «Новы зрок» прадалі толькі адно
24 красавіка павінны былі адбыцца таргі па трох памяшканнях, дзе раней размяшчаліся афтальмалагічныя клінікі прыватнай кампаніі «Новы зрок», якую спачатку пазбавілі ліцэнзіі, а потым ліквідавалі.
У выніку з трох аб'ектаў удалося прадаць толькі адзін — у Магілёве, паведамляе гандлёвая пляцоўка «БелЮрЗабеспячэнне».
На аўкцыёне ў Магілёве прадалі ізаляванае памяшканне па адрасе: праспект Міра, 6−8 плошчай 388,8 кв. м. Стартавая цана складала 734 тысячы рублёў. У выніку памяшканне пайшло малатка нават даражэй — за 770,7 тысячы.
Месца, дзе знаходзілася клініка, размешчана побач з гандлёвым цэнтрам на скрыжаванні праспекта Міра і вуліцы Касманаўтаў. Там знаходзяцца аддзяленні банкаў, вялікая крама «Перакрыжаванне», шмат іншых гандлёвых кропак і кавярняў. І, вядома, гэта аб'ект з вельмі добрай праходнасцю.
Што тычыцца двух іншых памяшканняў — у Гродне і Гомелі, то па іх таргі не адбыліся. У Гродне быў толькі адзін удзельнік, а ў Гомелі іх увогуле не было. Можна адзначыць, што ў Гомелі была яшчэ і даволі высокая цана — 1,14 мільёна рублёў.
Мінздароўя пазбавіў клініку «Новы зрок» ліцэнзіі ў 2023 годзе. Падставай сталі парушэнні заканадаўства аб ліцэнзаванні. А яе ўладальнік — бізнэсмэн Алег Каўрыгін — з'ехаў з Беларусі. Восенню 2024 года яго завочна прыгаварылі да 12 гадоў пазбаўлення волі.
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны18
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары