Спецпасланнік Трампа заявіў пра гатоўнасць Зяленскага да тэрытарыяльных саступак Расіі
«Яны згодныя на такі варыянт. Яны разумеюць, што пры заключэнні перамір’я кожны бок застанецца на занятых ім пазіцыях», — сказаў Кіг Келаг.
Кіеў згадзіўся на тэрытарыяльныя саступкі дзеля заключэння мірнага пагаднення, заявіў спецпасланнік прэзідэнта ЗША па Украіне і Расіі Кіт Келаг.
«Украіна гатовая саступіць тэрыторыі, якія Расія фактычна займае, хоць і не прызнаваць гэта юрыдычна назаўсёды. Яны згодныя на такі варыянт. Яны разумеюць, што пры ўсталяванні перамір’я кожны бок застанецца на занятых ім пазіцыях», — сказаў ён у інтэрв’ю Fox News.
«Украінцы гатовыя адмовіцца ад тэрыторый, якія заняты расіянамі, не дэ-юрэ, назаўсёды, а дэ-факта, таму што расіяне фактычна акупавалі гэтую зямлю. Яны згадзіліся на гэта. І яны сказалі мне гэта на мінулым тыдні, — сказаў спецпасланнік. — Яны разумеюць, што пры ўсталяванні рэжыму спынення агню кожны бок застанецца на занятых ім пазіцыях. Менавіта да гэтага яны гатовы», — сказаў ён.
У сваю чаргу Кіеў, паводле слоў Келога, «жадае ўсеабдымнае і пастаяннае спыненне агню, якое прывядзе да заключэння мірнага пагаднення». Спецпасланнік дадаў, што гэтага ж дамагаецца прэзідэнт ЗША.
-
У Чарнаўцах падчас ускрыцця цела вайскоўца, перададзенага ў рамках абмену з РФ, выявілі гранату
-
З’явіліся спадарожнікавыя здымкі з наступствамі ўдару ракет па бранскім заводзе мікраэлектронікі — ён разбураны
-
Расійскія ваенкары заяўляюць, што страты дасягнулі непрымальнага ўзроўню. «Чакае нас рэмейк восені 2022 года»
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары