«Гэта нешта жудаснае». Дэлегацыя чыноўнікаў прыйшла павіншаваць 103-гадовага ляжачага ветэрана
Відэасправаздача выклікала неадназначную рэакцыю карыстальнікаў сацсетак.
Кіраўнік Мінскага раёна Уладзімір Юргевіч прыйшоў у госці да 103-гадовага ветэрана Івана Сурвілы. Яму праспявалі песню «Дзень перамогі» і павіншавалі з 9 Мая і будучым днём нараджэння.
Год назад, калі Івана Сурвілу гэтаксама віншавалі, сваячка казала, што ён нічога не чуе і не бачыць. У ветэрана ўжо тады не было сіл самастойна прыўстаць ці перавярнуцца.
На відэа можна ўбачыць, як цяжка ветэрану і як ненатуральна выглядаюць пляскі вакол яго. Гэта заўважылі гледачы тыкток-канала «Заслаўе анлайн».
«Мне здаецца, гэта нешта жудаснае» — самы папулярны каментар.
«Крыўдна адно!!! Што большасць такіх віншаванняў для справаздачы і відэа. А не для душы і памяці». «Прыйшлі раз на год, павылі і змыліся», «Не трэба так здзекавацца з дзядулі, яму такія хваляванні і нервы не патрэбныя. І вельмі гучна для яго. Дзядулю віншаванні!» — вось наступныя залайканыя каментары.
Падчас вайны радавы Іван Сурвіла быў стралком 3-га пяхотнага палка 1-й пяхотнай дывізіі Войска Польскага, браў удзел у Вісла-Одэрскай аперацыі. За службу быў узнагароджаны медалямі «За вызваленне Варшавы», «За перамогу над Германіяй у Вялікай Айчыннай вайне 1941-1945», «За ўзяцце Берліна». Атрымаў ордэн Айчыннай вайны ІІ ступені.
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары
Зато коттеджи, офшоры, дочки, внучки, любовницы - УПАКОВАНЫ !
Простите, если бы ВЕТЕРАН прозрел и начал видеть, то, этим, лукашенковским гадам, мало не показалось бы !
а гэтым цёткам і дзядзькам па ходу норм. а можа нават зада-вальненне для іх
"В честь празднования 80-й годовщины Победы советского народа в Великой Отечественной войне компания А1 подготовила ... с 1 по 31 мая 2025 года, новым и действующим абонентам тарифного плана «Победа», доступного для подключения ветеранам и инвалидам Великой Отечественной войны, в рамках акции предоставляется возможность бесплатного общения с родными и близкими на территории Республики Беларусь.
А1, вы в своем уме? Только как издевку можно воспринимать вот такие кости с барского стола.